ეკონომიკური პრობლემების და კატეგორიების შესწავლა მოითხოვს თვით ეკონომიკის ცნების და ეკონომიკური თეორიის განმარტებას და შესწავლას. მოვიყვანთ ეკონომიკის განმარტების რამდენიმე ვარიანტს:

1. ეკონომიკური თეორია არის მეცნიერება ადამიანთა მოღვაწეობის შესახებ, რაც დაკავშირებული არის გაცვლასთან და ფულად-სასაქონლო გარიგებებთან ადამიანებს შორის.  2 ეკონომიკური თეორია არის მეცნიერება რომელიც შეისწავლის: საკითხებს ადამიანის მიერ იშვიათი ან შეზღუდული სამეწარმეო რესურსების (კაპიტალი, მიწა, შრომა, მეწარმული უნარი) გამოყენების შესახებ, სხვადასხვა საქონლის (ხორბალი, ხორცი, ტანსაცმელი, მანქანები და სხვა) საწარმოებლად წევრებს შორის მოხმარების მიზნით.3 ეკონომიკური თეორია არის მეცნიერება ადამიანების ყოველდღიური ცხოვრებისეული საქმიანობის შესახებ, რომელიც მიმართულია საარსებო საშუალებათა მოძიებისა და მათი მოხმარებისათვის.                                     /პ.სამეულსონი/  

არის თუ არა ურთიერთ დაკავშირებული პიროვნული განვითარება და წარმატება?  რას წარმოადგენს წარმატება განვითარების სხვა და სხვა სტადიაზე მყოფი ადამიანებისთვის?

ეკონომიკურმა პრობლემებმა მსოფლიოში მართვის ახალი სისტემის აუცილებლობა დაამტკიცა.

2008 წლის მაისში კალიფორნიაში შეიკრიბა 35 ცნობილი მენეჯმენტის თეორეტიკოსი და პრაქტიკოსი, რომლებმაც იმსჯელეს მართვისადმი ახლებური მიდგომის პერსპექტივებზე XXI საუკუნეში. კონფერენციის მონაწილეთა შორის იყვნენ მსოფლიოში ცნობილი მენეჯმენტის სპეციალისტები, როგორებიცაა : პიტერ სენეგე, ჰენრი მიცბურგი, კ.კ. პროხალდი, ტომი სტუარტი, გარი ჰემელი და სხვები. კონფერენციის მასალების ანალიზისა და შეფასების შედეგად გამოქვეყნებული იყო არაერთი მასალა, მათ შორის ყურადღებას იმსახურებს გარი ჰემელის სტატია რომელშიც გადმოცემულია კონფერენციაზე განხილული საკვანძო საკითხები და მოცემულია მენეჯმენტის განვითარების 25 ძირითადი ტრანსფორმაციული ამოცანა, რომელსაც უნდა დაეფუძნოს მენეჯმენტის თანამედროვე განვითარება. როგორც აღინიშნა კონფერენციაზე მენეჯმენტის ადრეულმა მიდგომებმა, ანუ მენეჯმენტი I-მა მიაღწია განვითარების ზღვარს და საჭიროებს ტრანსფორმირებას გამომდინარე ახალი ამოცანებიდან.

საზოგადოების ნაწილს მიაჩნია, რომ მსოფლიოში განვითარებული გლობალური კრიზისების, ეკონომიკასა და სოციალურ სფეროში განვითარებული უარყოფითი ტენდენციების ფონზე ადამიანებში იმძლავრა პესიმიზმმა. იმავდროულად დიდი ხანია დამკვიდრებული მოსაზრება, რომ ოპტიმიზმი, ანუ პოზიტიური მსოფლმხედველობა არის ადამიანის ხასიათის დადებითი თვისება და ის წარმოადგენს წარმატებულობის, კეთილდღეობის, ჯანმრთელობის საწინდარს, ხოლო პესიმიზმი  -  უარყოფითი თვისებაა, რომელიც ვლინდება სამყაროს ნეგატივურად აღქმის, სიკეთის დაუნახაობის,  გამოუვალობის მუდმივი შეგრძნების, მომავლის მიმართ უიმედობის სახით და მას მხოლოდ დეპრესიისკენ მიჰყავს ადამიანი. შეიძლება დავეთანხმოთ მოსაზრებას,რომ პესიმიზმი მართლაც იქცა დღევანდელი რეალობის ნიშნად, მაგრამ რამდენად მავნეა საფუძვლიანი პესიმიზმი უსაფუძვლო ოპტიმიზმთან შედარებით? ერთმა იუმორისტმა ისიც აღნიშნა, რომ პესიმისტი -  იმედგაცრუებული ადამიანია, ხოლო ოპტიმისტი - საკმაოდ მაძღარი პესიმისტია.

ჯანდაცვის მსოფლიო ორგანიზაციის მონაცემებით ჩვენი პლანეტის მოსახლეობის 10% - ს ფობიის სხვა და სხვა ფორმა გააჩნია. სპეციალისტები ასახელებენ ამ ტიპის აკვიატებული შიშების რამდენიმე ასეულ სახეობას და ადასტურებენ, რომ მათი რიცხვი მუდმივად იზრდება. ადამიანებს ეშინიათ ბუნების მოვლენების, დაავადებების, საკუთარი გრძნობების, ინტიმური ურთიერთობების, კვების პროდუქტების, 13 რიცხვის, სიბნელისა, ღია სივრცის ... ტექნიკური პროგრესიც გვიმატებს მათ ახალ-ახალ სახეობებს - ჩვენს ბებია - ბაბუას არ გააჩნდა კომპიუტერის შიში. დღეს კი კომპიუტერთან ურთიერთობა, ანუ კიბერფობია, უკვე ხშირი მოვლენაა და არა მხოლოდ ხნიერ ადამიანთა შორის.

სტატია ეხება ტრანსნაციონალურ ქორწინებებს. სტატიაში განხილულია: შერეული ქორწინების დეფინიცია, მისი ისტორიული წარსული და პერსპექტივა, პრობლემები და მათი გადაჭრის გზები.

ბოლო დროს საქართველოს სხვადასხვა ქალაქში კიდევ უფრო ხშირად შეხვდებით წყვილებს, რომელთაგან ერთ-ერთი პარტნიორი არაქართველია. მათ სახეებზე აღბეჭდილი შთაბეჭდილებებიდან ამოიცნობთ, რომ ერთისათვის საქართველოში ყოფნა სამშობლოში დაბრუნებას ნიშნავს, მეორისათვის კი უბრალოდ მასპინძელ ქვეყანაში სტუმრობას. თქვენს ყურადღებას ასევე აუცილებლად მიიპყრობს სხვადასხვა ენის აქცენტით ქართულად მოტიკტიკე ბავშვები; შეიძლება ასევე წააწყდეთ შემთხვევას, როდესაც არაქართველი ეროვნების დედას ან მამას ვერ ესმის თავისი შვილის ვერც დამახინჯებული ქართული და სასოწარკვეთილი ცდილობს გაიგოს, თუ რა უნდა მას;  ან პირიქით _ შეცბუნებულ ბებიებსა და ბაბუებს, რომლებიც შვილიშვილის მიერ მათთვის უცხო ენაზე გამოთქმულ სურვილებს ვერაფრით ვერ იგებენ და ჟესტების ენას იშველიებენ. მათ დანახვაზე გულთბილად გავიღიმოთ, დახმარებას შევეცადოთ და თან დავფიქრდეთ შერეული ქორწინების ბუნებასა მის მიზეზებზე, იმ ღირებულებით და ურთიერთდამოკიდებულებით კონფლიქტებზე, რომლებმაც შეიძლება თავი იჩინოს შერეული ქორწინებისას და მათი დარეგულირების გზებზე, ოპტიმალური შერეული ქორწინების ტიპსა და მის დადებით მხარეებზე მშვიდობის მშენებლობის პროცესში.

თამამად შეიძლება ითქვას, რომ კომპლექსები - უკვე გლობალური პრობლემაა. ისინი ასახავენ თანამედროვე ადამიანის ემოციურად შეფერადებული წარმოდგენების, მოქმედების მოტივაციების და არაცნობიერი განწყობების ერთობლიობას. სამწუხაროდ უმეტეს შემთხვევაში სიტყვაში ”კომპლექსი” ჩვენ ვგულისხმობთ მხოლოდ არასრულფასოვნობის ან განდიდების გადამეტებულ გამოვლენას და არც ვიცით, რომ ისინი ავსებენ ერთმანეთს. თვით პრობლემის არსი კი მხოლოდ ამ კომპლექსებით არ შემოიფარგლება თანამედროვე სამყაროში ადამიანს შეიძლება გააჩნდეს უამრავი სხვა კომპლექსიც.

თანამედროვე ეპოქაში განუწყვეტლივ მატულობს ცხოვრების ტემპი და რიტმი, სიკეთესთან ერთად ტექნოლოგიურ პროგრესს ადამიანის ცხოვრებაში შემოაქვს აქამდე უცნობი ახალი პრობლემები, ურბანიზაციის ფონზე ღრმავდება ადამიანთა გაუცხოების პროცესი და ა.შ. სპეციალისტების აზრით ამგვარი და შინაგანი ფაქტორების გამო ყველანი აღსავსე ვართ გარკვეული ტიპის კომპლექსებით, რომლებიც პრობლემებს გვიქმნიან ყველას, ხშირ შემთხვევაში ხელსაც გვიშლიან დასახული მიზნების მიღწევაში. დღეს ძნელად მოიძებნება ადამიანი, რომელსაც არ გააჩნია რომელიმე ტიპის კომპლექსი, იმავდროულად წინააღმდეგობებით სავსე თანამედროვე სამყაროს პირობებში იზრდება სხვა და სხვა სახის ფობიებიებისა და მანიების გავლენა ჩვენს სულიერ სამყაროსა და ქცევაზე. გსურთ გაერკვიოთ საკუთარ თავში? გაიგოთ - როგორ გადალახოთ მათი ზეგავლენა - გაეცანით პუბლიკაციებს, რომლებიც ეძღვნებიან ამ პრობლემატიკას.

ამაღლების 25 ნიშანი მეტად საინტერესო და საჭირო ინფორმაციას შეიცავს მათთვის, ვინც იოგისა ან სხვა   თვითშემეცნების რეალური სისტემის პრაქტიკის გამოყენებით მტკიცედ მიაბიჯებს სრულყოფილებისაკენ მავალ გზაზე