ალბათ ყველა ინსტიტუტში არის ლექტორი, რომელთან გამოცდის ჩაბარება კი არა, ჩათვლის მიღებაც ურთულესი საქმეა. ჩვენც გვყავს ასეთი. ხო და ზუსტად ჩათვლაზე მოხდა საინტერესო ამბავი. ჩათვლის ჩასაბარებლად მივიდა ორსულობის ბოლო თვეში მყოფი ჩვენი თანაკურსელი. დაუჯდა ამ ლექტორს, მან დაუსვა შეკითხვა და ისე დაუბრიალა თვალები, რომ საწყალს ნერვულობისაგან მშობიარობის შეტევა დაეწყო. სანამ სასწრაფო მოვიდოდა შეშინებულმა, გაფერმკრთალებულმა ლექტორმა აკანკალებული ხელით ჩაუწერა ჩათვლა და სულ იმას გაიძახოდა: ”შენ ოღონდ ნუ ნერვიულობ”, ”დამშვიდდი”, ”დაწყნარდი”. იმ დღეს ვინც გამოვცხადდით, ჩათვლა ყველას ჩამოგვიწიკწიკა. მერე კი აუდიტორიიდან ისე გავარდა, მგონი სასწრაფოს გაუსწრო. მეორე დღეს კი, ბოდიშით, ჩათვლა ვერავინ ვერ მიიღო. ყველაფერი ძველ კალაპოტს დაბრუნდა. არა და ამ ლექტორთან მომავალ კურსზე გამოცდაც გვაქვს ჩასაბარებელი. ყველანი ღრმად ჩავფიქრიანდით. მაგრამ ახლახანს აღმოჩენა გავაკეთე ჩვენი კურსის ნახევარი გოგოები დაფეხმძიმებულები დადიან. პრობლემა მხოლოდ იმაშია, როგორ დაამთხვიონ მშობიარობა გამოცდას.