ყველა ადამიანის ოცნებას კაპიტალის გამრავლება წარმოადგენს. ყველაზე კარგი კაპიტალი კი ფულია, რომელსაც ისევ ფულის მოტანა შეუძლია, თუმცა ბევრმა ადამიანმა არ იცის, როგორ გააკეთოს ეს. ერთ-ერთი საშუალება სავალუტო ბირჟების გამოყენებაა. დღეს ტექნიკური საშუალებები იმდენად არის გამარტივებული, რომ შესაძლებელია მოგების მიღება მარტივად- კომპიუტერის წინ.  

სწორედ ამ მიზნით არის შექმნილი საერთაშორისო ელექტრონული ბაზარი_FOREX-ი, (Foreign Exchange Market). იგი მიჩნეულია ყველაზე პერსპექტიულ, ლიკვიდურ და დიდი მოცულობის ბაზრად მსოფლიოში, რომელიც ხელმისაწვდომია მილიონობით ხალხისათვის, განურჩევლად განათლების, სქესისა და ასაკისა. ფორექსის მთავარი ფუნქცია-ესაა მომგებიანი ოპერაციების განხორციელება. მოგების მიღება შესაძლებელია როგორც ფასების ზრდაზე, ისე მათ ვარდნაზე.

Forex-ის ბაზარზე მუშაობა შემდეგნაირად ხდება: ბაზრის მონაწილეები ანუ მოვაჭრეები (ინგლ. ტრეიდერები) უკავშირდებიან ბაზარს საბროკერო კომპანიის (შუამავლის) დახმარებით. საბროკერო კომპანია ტრეიდერს აძლევს სპეციალურ პროგრამას, რომლის საშუალებით ტრეიდერი იღებს საჭირო ინფორმაციას კურსის ცვლილებებზე დროის რეჟიმში, ასევე შეუძლია დადოს ხელშეკრულებები ამა თუ იმ ვალუტის ყიდვა-გაყიდვაზე და თვალი ადევნოს თავისი ანგარიშის მდგომარეობას. ვთქვათ, იყიდეთ 100 000 აშშ დოლარი შვეიცარულ ფრანკზე კურსით 1. 2450 ფასში. რამოდენიმე საათში კურსი გაიზარდა 1.2500-მდე და თქვენ გაყიდეთ დოლარი იმაზე ძვირად, ვიდრე იყიდეთ ანუ მიიღეთ მოგება. ამის გამოსათვლელად შემდეგი ფორმულა არსებობს:  

მოგება=(გაყიდვის ფასი-ყიდვის ფასი)  ხელშეკ.თანხა
  რადგან გაყიდვის ფასი იყო 1.2500, ყიდვის ფასი- 1.250, ხოლო ხელშეკრულების ფასი -100 000. ანუ (1.2500-1.2450) 100 000=500 შვ. ფრანკი. ამგვარად დოლარში მოგება =500/1.2500=400$ ეს ნიშნავს, რომ ანგარიშზე მიიღეთ მოგება 400$.

 როგორც აღვნიშნეთ, ამ დიდ ბაზარზე ყველას შეუძლია მონაწილეობის მიღება. იმისათვის,რომ ჩვეულებრივმა ადამიანმა ბირჟაზე ითამაშოს თავისი მაგ.1000 დოლარით, მას ეხმარებიან სადილინგო კომპანიები (დიალ-ხელშეკრულება). სადილინგო კომპანიებმა შექმნეს იმის პირობა, რომ მცირე თანხა ბირჟაზე გავიდეს როგორც დიდი თანხა. ეს დაუჯერებლად ჟღერს,მაგრამ სინამდვილეში უზარმაზარი კონკურენციაა, თუ ვინ დაეხმარება კლიენტს ამ საქმეში, რადგან ისინი ამისათვის საკომისიოს იღებენ. სადილინგო კომპანიები კლიენტს სთავაზობენ ე.წ. ,,მხარს” ანუ კოეფიციეტს,რომელზეც გამრავლდება მისი თანხა,რათა ბაზრისთვის თანხის მოცულობა მისაღები იყოს.ასე მაგალითად,რომ ჩვენი 1000 დოლარი ბაზარზე 100 000-ად შევიდეს.

მხარის გარეშე 1000 დოლარიანი გარიგებიდან ფასის 50 პუნქტით ცვლილების შემთხვევაში ჩვენი მოგება სულ რაღაც 5 დოლარი იქნებოდა,მაშინ როცა 1100-თან ,,მხარის” დროს იგი 500 დოლარი იქნება. 50 პუნქტით ფასის მოძრაობა ჩვეულებრივი მოვლენაა,მაგრამ ეს გამდიდრებას არ ნიშნავს. ,,მხარს” თავისი უარყოფითი მხარეც აქვს, 1100-თან ,,მხარის” შემთხვევაში 100-ზე გამრავლდება როგორც მოგება ისე წაგება. ამგვარად ,,მხარი” არ არის არც მოგების და არც წაგების წყარო, იგი ტრეიდერს ეხმარება გარიგებაში მიიღოს მონაწილეობა. ეს შესაძლებლობა მოგებად იქცევა თუ წაგებად ეს მოვაჭრის სავაჭრო სტრატეგიაზე და უნარზეა დამოკიდებული.

ბირჟაზე ვაჭრობის დაწყება საკმაოდ იოლია, ამ სფეროში უამრავი ლიტერატურა არსებობს, თუმცა დიდი რისკიცაა, რადგან ფასების ცვლილების ზუსტი გამოცნობა არც ისე ადვილია.რეალურად, ნებისმიერი ვალუტის მდგომარეობა დამოკიდებულია ძალიან ბევრ ეკონომიკურ თუ არაეკონომიკურ ფაქტორზე, რომელიც ეკონომიკურ ცოდნასთან ერთად ანალიზის უნარსაც მოითხოვს.