Sulxan-Saba??

მომაგონდა ერთი სასაცილო ისტორია პირველი თუ მეორე კლასიდან, ზუსტად არ მახსოვს. ერთხელ, გაკვეთილი უკვე დაწყებული იყო, მასწავლებელმა შემოიტანა ლომის, ვეფხვის, მგლის თუ ნიანგის მუყაოზე მიკრული ნახატები და დაამაგრა დაფის გასწვრივ. ამ დროს გაიღო კარები და შემოვიდნენ უცნობი ქალბატონი და მამაკაცი, როგორც მერე გავიგეთ შესამოწმებლად. მასწავლებელმა სასწრაფოდ მიაწოდა სკამები. სტუმრები დაბრძანდნენ ჩამოკიდებული სურათების წინ და   სერიოზული გამომეტყველებით გამოუცხადეს შეშინებულ მასწავლებელს: ”გააგრძელეთ გაკვეთილი.” მასწავლებელი ნერვულობისგან იფშვნიტავდა ხელებს, აფორიაქებულმა გაიშვირა ხელი ნახატებისაკენ, რომლების წინ ისხდნენ სტუმრები, და ხმამაღლა გამოგვიცხადა: ”ბავშვებო, დღევანდელი ჩვენი გაკვეთილი ველური მტაცებლების თაობაზეა.” გაოცებული სტუმრები გამოშტერებული თვალებით უყურებდნენ მასწავლებელს მათი მიმართულებით გაშვერილ ხელს. ის კი მათ, ჩვენ კი დავიხოცეთ სიცილით.