საქართველოს სავაჭრო-სამრეწველო პალატის, საქართველოს მეფუტკრე ფერმერთა გაერთიანება „ქართული ფუტკარი“-ის, სსიპ სურსათის ეროვნული სააგენტო - ს, საქართველოს პროფესიული განათლების ფონდი - ის, საქართველოს პროფესიონალ მეფუტკრეთა ასოციაციის, ს/ს  „აპი - ფიტო“- ს ინიციატივით პალატასთან დაფუძნდა „საქართველოს მეფუტკრეთა გილდია“.  

გილდიის დამფუძნებლებმა გააფორმეს შესაბამისი მემორანდუმი, მათი მონაწილეობით  შემუშავდა საქართველოში მეფუტკრეობის განვითარების სტრატეგია. დამფუძნებლებმა  აღიარეს გილდიის დაფუძნების აუცილებლობა, როგორც დარგის განვითარების ხელშეწყობის მნიშვნელოვანი პრიორიტეტი და შეთანხმდნენ საქართველოში მეფუტკრეობის მდგომარეობის გაუმჯობესების აუცილებლობაზე, დარგის განვითარების სტრატეგიის განხორციელების  ხელშეწყობაზე, მისი რეალიზაციის მონიტორინგის პრინციპებზე. დარგის განვითარების მიზნებიდან გამომდინარე სტრატეგიაში განსაკუთრებული მნიშვნელობა მიენიჭა ფორმალური და არაფორმალური განათლების მხარდაჭერას. მემორანდუმით განისაზღვრა თანამშრომლობის სფეროები და ფორმები. დადგინდა, რომ მხარეები მათი კომპეტენციის, ინტელექტუალური შესაძლებლობებისა და საწარმოო რესურსების გამოყენებით აქტიურ  მონაწილეობას მიიღებენ აღნიშნული სტრატეგიის შესატყვისი მიმართულებების განხორციელებაში.

წყარო:gvef.ge