ალბათ უკვე მივეჩვიეთ, უფრო სწორედ თანამედროვე ცხოვრებამ მიგვაჩვია მსხვილი ქალაქის ცხოვრების დაჩქარებულ და დაძაბულ ტემპს. სამსახური, კარიერული გადაადგილება და  წინსვლა ადამიანისგან ითხოვენ უდიდეს მონდომებას და, რაც მთავარია, დიდ დროს. იმავდროულად ცხოვრების სასურველი დონის მისაღწევად საკმაო ფინანსური სახსრები სჭირდება. გარდა ამისა, შვილის სათანადოდ აღზრდა და განათლებაც მშობლისგან ითხოვენ   განსაკუთრებულ ზრუნვას და დანახარჯებს.

ოჯახისა და მშობლების როლი და ფუნქციები ბავშვთა აღზრდაში შეუცვლელი და შეუდარებელია და ამაზე უფრო ეფექტური ინსტიტუტი ადამიანს ვერ აღმოუჩენია. ასევე უდაოა, რომ თვითოეულ მშობელს უნდა გააჩნდეს ბავშვის ოჯახში აღზრდის მიზნები, პროგრამა და გათვითცნობიერებული ჰქონდეს, როგორი სურს, რომ აღიზარდოს მისი შვილი.