პედაგოგთა გვერდზე <გაერთიანებათა აქტუალური თემები> გამოქვეყნებულმა პუბლიკაციებმა “პროფესიული დაღლილობის” სინდრომის შესახებ” და ”ორგანიზმის რეგულაციის ბუნებრივი ხერხები და თვით რეგულაცია” გამოიწვიეს ადმინისტრატორთა გვერდის მომხმარებელთა ინტერესი და მოთხოვნა იმის თაობაზე, რომ მათ გვერდზეც მოხდეს ამ პრობლემატიკის გაშუქება და ახალი სტატიების განთავსება. ანგარიშს უწევთ მოთხოვნას და შემოგთავაზებთ პუბლიკაციას, რომელშიც მოგითხრობთ იმის შესახებ თუ რა ხერხებით შეიძლება მივაღწიოთ განწყობაზე და ორგანიზმზე ეფექტურ ზეგავლენას დაძაბულ ვითარებაში. ამ რუბრიკის წინა პუბლიკაციების გაცნობის სტატისტიკა ცხადყოფს, რომ თანამედროვე დინამიურ და სირთულეებით აღსავსე სამყაროში თვით ეს პრობლემა აქტუალურია და იწვევს სხვა და სხვა კატეგორიის მკითხველთა დაინტერესებას.

საიტის პედაგოგთა გვერდის მომხმარებელთა მოთხოვნის გათვალისწინებით გთავაზობთ პროფესიული დაღლილობის თემატიკის გაგრძელებას. ამ მასალაში შეგიძლიათ გაეცნოთ ზოგიერთ მოსაზრებას ორგანიზმის რეგულაციის ბუნებრივი ხერხებისა და თვით რეგულაციის თაობაზე. ამ ხერხების ნაწილს დაუფიქრებლად ხშირად იყენებთ, როდესაც გრძნობთ ფიზიკურ ან გონებრივ დაღლილობას.

პროფესიულ საქმიანობასთან კავშირში ამ პრობლემაზე სხვა და სხვა ფორმულირებითა და ტერმინოლოგიით აქტიურად მსჯელობენ მრავალ ქვეყანაში. მის განხილვაში ძირითადი აქცენტი კეთდება ე.წ. სოციალური,მათ შორის განათლების, სფეროს პროფესიების მიმართ.

სასწავლო დაწესებულებების ხელმძღვანელთა წინაშე ყოველდღიურად დგება უამრავი   საკითხი და პრობლემა, რომელთა გადაწყვეტის გზებისა და შესაძლებლობების მოძებნა მათ უწევთ საკუთარი ცოდნისა და გამოცდილების მეშვეობით.   პრობლემათა   გადაწყვეტის გზების ძიების, საქმიანობაში კოორდინაციისა თუ   ურთიერთ დახმარების მიზნით პერიოდულად იდგმებოდა ნაბიჯები ხელმძღვანელთა სხვა და სხვა სახის საბჭოებისა ან კლუბების შესაქმნელად. ამის პრეცედენტები დღესაც გაგვაჩნია.