საკუთრების ხსენებული მთავარი ორი ფორმიდან ერთიც საჭიროა და მეორეც (თანაბრად ან მეტ–ნაკლები გარდამავალი უპირატესობებით) და მათი სრულფასოვანი კონკურენცია უფრო სასურველ შედეგს მოგვცემს. სამწუხაროდ, აბსოლუტურად ერთპიროვნული მართვის აპოლოგეტები ვერ ხვდებიან ეტყობა, რომ ობიექტური კანონზომიერებაც განსაზოგადოებისაკენ მიგვაქანებს, მაგრამ ეს გასაზოგადოებაც არ უნდა იყოს უსასრულო და კერძო ინტერესის სრული იგნორირება დაუშვებელია. მაშასადამე, აუცილებელია ეკონომიკაში კოლექტიური მართვის ახალი სისტემების შექმნა და შემდგომი სრულყოფა. სამწუხაროდ, ამას უნებლიედ ეწინააღმდეგებიან ბუნებით გონებადახშული კონსერვატორებიც. მაგალითისათვის, აშშ–ში პრეზიდენტმა სავალდებულო დაზღვევა შესთავაზა ხალხს (ეს ერთ–ერთ საწყის მნიშვნელოვან ნაბიჯად შეიძლება ჩაითვალოს ჩვენი ხსენებული მიდგომის განხორციელებისათვის. აშშ–ში და სხვაგანაც, შესაძლებელია, სხვადასხვა დროს ცდებიან კიდეც, მაგრამ ამ შემთხვევაში აბსოლუტურად მართებული გზაა შემოთავაზებული). თუმცა, პრეზიდენტს ეწინააღმდეგებიან საკმაოდ მრავალრიცხოვანი გუნდით. ასეთი უსაგნო გაუგებრობები ზოგჯერ დიდ დროს გვაკარგვინებს. უცილებებლია კონკრეტულ გზებზე პროფესიული მსჯელობები, ნამდვილად აუცილებელი, მაგრამ აკვიატებული წინააღმდეგობები თავის გამოჩენის მიზნით, მეტად საზიანოა.

      გთხოვთ გაეცნოთ ეკონომიკური კონკურენციის ჩემს კანონს და ევროკავშირის ეკონომიკური სტრუქტურის ეფექტიანობის შეფასების ჩემს განვითარებას (იხ.: რ. ლორთქიფანიძე, "ეკონომიკური კონკურენციის ძალის შეფასებისათვის", ჟურნალი "ახალი ეკონომისტი", 2011, N2, გვ. 45–47; რ. ლორთქიფანიძე, ლექციების კურსი "ჯანდაცვაში მენეჯერული საქმიანობის ხარჯები (ეკონომიკური თეორიისა და პრაქტიკის საკითხები)", თბ., 2011), რომელიც განხილული, აპრობირებული და დამტკიცებულია ცნობილ ჩვენს და უცხოურ სამეცნიერო–გამოყენებით ცენტრებში.

      ძალიან ცუდია, რომ ზოგიერთი ზემოხსენებული ცნობილი კოსერვატორი პოლიტიკოსი საუკეთესო პირობებს უქმნის კრიზისის მაპროვოცირებელ დესტაბილიზაციის პროცესებს სხვადასხვა ქვეყნებში, რაც მათ გარკვეულ სარგებელს აძლევს საბოლოო ჯამში. საერთაშორისო პრაქტიკა გვაჩვენებს, რომ საკმაოდ ხშირია მაგალითები, როცა ასეთი პოლიტიკოსები უზრუნველყოფენ (ყიდიან ან არიგებენ დემპინგურად უფასოდ) სხვადასხვა გავლენებს – თანამდებობებს, ტიტულებსა და დიპლომებს ადამიანებზე, რომლებსაც საერთოდ არ აინტერესებთ ხალხის მომავალი და თავიანთ კონკრეტულ საქმეში (სპეციალობაში) არაფერი გაუკეთებიათ.

     აუცილებლობიდან  გამომდინარე, ხაზგასმით უნდა აღვნიშნო, რომ ეკონომიკურად ძლიერი ევროკავშირის ფორმულის ჩემი განვითარება ეკონომიკურ ეფექტიანობაზე (ბევრი სხვა მოსაზრებაც) ვერადავერ გამოვიყენე პრაქტიკაში, რომ საუკეთესო შედეგები მივიღოთ. ყველა ქვეყანაში მოიძებნებიან კარგი ადამიანები და ჩინოვნიკები, მაგრამ, სადაც საჭიროა თანადგომა, მაინცდამაინც იქ გვეშლება ხელი არაკეთილსინდისიერი კონკურენტებისაგან, რომლებსაც დიდად ახარებთ, როცა არადანიშნულებითა და არამოწოდებით ვსაქმიანობთ. ღმერთით, სპეციალისტთა საქმიანი მონდომება და მეგობრობა და გაერთიანებული სიკეთის ძალები საბოლოოდ მიაღწევენ უკეთეს ცხოვრებას ადამიანებისათვის.

     ადამიანის ფესვები უფლიდან მოდიან და ყოველთვის უნდა ვეცადოთ ისინი წმიდა საქმეებით ვაძლიეროთ და ვამრავლოთ. პირადად, ჩემი უშუალო წინაპრები და აღმზრდელები მეგობრობდნენ ილია მართალთან, აკაკისთან, პეტრე უმიკაშვილთან, ზაქარია ჭიჭინაძესთან, დავით კლდიაშვილთან, იაკობ გოგებაშვილთან, დიმიტრი უზნაძესთან და სხვა ჩვენს სახელოვან მოღვაწესთან და ყოველთვის ვცდილობ უფლის განუზომელი სიყვარულით ვასახელო სამშობლო და მისი მოკეთეები, გავიღრმავო ცოდნა ჩემს საქმიანობაში და გაერთიანებული ძალისხმევით მტრებიც კი მოყვარედ ვაქციოთ. აღნიშნულს უსაგნოდ არ მოგახსენებთ, რთულ საქმეს უნდა შევეჭიდოთ და ამაში გულგრილობა არ გამოგვადგება. ახალი ეკონომიკური სისტემის გავრცელება მყისიერად მსოფლიო მასშტაბებით ვერ მოხერხდება, ეს უშუალოდ ჩვენი ქვეყნიდანაც უნდა დავიწყოთ, რაც ჩვენთან უხვად  არსებულ შესაბამის ნიჭიერ სპეციალისტთა გაერთიანებულ ძალისხმევას მოითხოვს.