სამუშაო ადგილის მოძებნის ტექნოლოგიის შესახებ
ეკონომიკური კრიზისის პირობებში სამსახურის მოძებნის, რომ იტყვიან, გმირობის ტოლფასია. შექმნილ ვითარებაში, როდესაც სამსახურებიდან მუშაკებს დიდი ოდენობით ითხოვენ (რაც უდაოდ ძაბავს კონკურენციას შრომის ბაზარზე) და სამუშაო ადგილების რაოდენობა მცირდება, სამსახურის შოვნა მართლაც, რომ გართულდა და მაძიებლისაგან ითხოვს დიდ მონდომებას, მაგრამ შეუძლებელი არ არის. სამუშაო ადგილის მოძებნას არ ასწავლიან არც სკოლაში და არც უმაღლესში, თვითოეული ამ კურსებს გადის საკუთარი შეცდომების გამოცდილებით

CV - ის ფორმის, შინაარსის და გაფორმების შესახებ.
ამ დანიშნულების დოკუმენტს ბრიტანელები CV - ის უწოდებენ, ამერიკელები კი - რეზიუმეს. მაგრამ, რაც არ უნდა დავარქვათ მას, ეს სწორედ ის ფურცელია, რომელზედაც უნდა ჩამოწეროთ დამსაქმებლისათვის თქვენ შესახებ საინტერესო მონაცემები და ინფორმაცია. ამ საკითხზე დასავლეთში ხუმრობენ: ”ცხოვრებაში მხოლოდ ორი ქაღალდი უნდა გადაათვალიერო რეგულარულად - ეს შენი CV და ანდერძია, იმიტომ, რომ პირველი მნიშვნელოვნად განაპირობებს მეორეს შინაარს”. ხუმრობის გარეშე კი, გვერწმუნეთ, რომ სასურველი ან სანატრელი სამსახურის მოპოვებაში ეს დოკუმენტი იძენს დიდ მნიშვნელობას. იძახიან, რომ გონივრულად შედგენილი CV წარმატების 50 % უზრუნველყოფს

დავიწყოთ იმით თუ რა არის კარიერა და რას ნიშნავს ეს სიტყვა? მოდით ჩავიხედოთ რომელიმე განმარტებით ლექსიკონში ან, ვინაიდან ვიმყოფებით კომპიუტერთან, ვნახოთ ”ვიკიპედიაში”. სიტყვა ”კარიერა” (იტალიურიდან carriera - რბენა, ცხოვრების გზა, ასპარეზი) ყველაზე მოკლე განმარტებით ნიშნავს: სამსახურებრივი საფეხურებით ასვლას, წარმატებას ცხოვრებაში. ახალგაზრდა თაობის წარმოდგენაში აისახება ულტრათანამედროვე ფორმულით: სამსახური - წარმატება - ფული - კეთილდღეობა.