შემოქმედ და ნოვატორ პედაგოგთა მორიგი - 2011 წლის კონკურსი დასრულდა! თამამად შეიძლება ითქვას, რომ მიზანი, რომელსაც ისახავდა მისი დებულება - მიღწეულია: სასწავლო პროცესის,   მოსწავლეთა ცოდნის შეფასებისა და სრულყოფის, აგრეთვე გამოსაშვები და ერთიანი ეროვნული გამოცდებისთვის უფროსკლასელთა და აბიტურიენტთა მომზადების ხელშეწყობის მიზნით პედაგოგებმა შეიმუშავეს შემსწავლელი და შემფასებელი ტესტები; ინტერნეტში განთავსების შედეგად უფასო   ტესტების კრებული ხელმისაწვდომი გახდა ნებისმიერი მოსწავლისათვის; წინა კონკურსის შემდეგ ახლებურად ვითარდება პედაგოგთა შორის მოწინავე გამოცდილების გაზიარება და, რაც არანაკლებ მნიშვნელოვანია, კონკურსის მეშვეობით კვლავ გაგრძელდა თვით პედაგოგ - ნოვატორთა და მათი შემოქმედების პოპულარიზაცია.

საქართველოს პედაგოგებს გააჩნიათ დიდი შემოქმედებითი პოტენციალი. ამ პოტენციალის გამოსამჟღავნებლად შეიქმნა პორტალი Education.ge და გასულ წელს ჩატარდა შემოქმედ პედაგოგთა კონკურსი. კონკურსის დასრულების შემდეგ შემოვიდა მრავალი მოთხოვნა ამ სახის მომდევნო კონკურსის ჩატარების თაობაზე. ამ მოთხოვნის გათვალისწინებით პედაგოგთა ინტერნეტ - გაერთიანების წევრთა და პორტალის Education.ge,    საქართველოს პროფესიული განათლების მუშაკთა ასოციაცია "პირამიდა" - ს  ინიციატივით ცხადდება შემოქმედ პედაგოგთა კონკურსი „ნოვატორი - 2011“.

პატივცემულო პედაგოგებო! კოლეგებო!

ყოველთვის გვჯეროდა და გვწამდა, რომ საქართველოს პედაგოგებს გააჩნია დიდი შემოქმედებითი პოტენციალი და, რომ ამ პოტენციალის გამოსამჟღავნებლად მათ ესაჭიროება საკუთარი, თავისუფალი, ხელმისაწვდომი სივრცის შექმნა. ამ მიზნის მისაღწევად შეიქმნა პორტალი Education.ge და შემოქმედ პედაგოგთა კონკურსის სახით გასულ წელს გადაიდგა პირველი პრაქტიკული ნაბიჯი. კონკურსის დასრულების შემდეგ პორტალზე შემოვიდა არაერთი მოთხოვნა და დღესაც მოგვდის წერილები, იმის თაობაზე, რომ 2011 წელსაც აუცილებლად უნდა ჩატარდეს ამ სახის მორიგი კონკურსი.

შემოქმედ პედაგოგთა კონკურსი ”ნოვატორი” – 2010 წლის გამარჯვებელთა და ლაურეატთა სია.  

კონკურსის მიზნები და ამოცანები
1.       სასწავლო დაწესებულებებში სასწავლო-აღმზრდელობითი პროცესის სრულყოფის ხელშეწყობა;
2.       ახალი პედაგოგიური ტექნოლოგიების შემუშავებასა და გამოყენებაში მასწავლებელთა შემოქმედებითი პოტენციალის, მოტივაციისა და პროფესიული დახვეწის სტიმულირება;
3.       პედაგოგ-ნოვატორთა გამოცდილების გამოვლენა   და მხარდაჭერა. ინოვაციური მეთოდების აპრობაციისა და დანერგვის თაობაზე ფართო პედაგოგიური საზოგადოებისთვის ინფორმაციის მიწოდება. სასწავლო პროცესში   თანამედროვე მეთოდების, ინტერაქტიული მეთოდიკის, ინფორმაციული ტექნოლოგიების წარმატებული გამოყენების     პოპულარიზაცია.
4.       მოწინავე პედაგოგიური გამოცდილების გავრცელების მიზნით ნოვატორული მეთოდოლოგიებისა და სწავლების ინოვაციური მეთოდიკის ელექტრონული ბაზის შექმნა;  
5.       Education.ge -ს, განათლებისა და მეცნიერების სამინისტროს უწყებრივი საიტების მეშვეობით ინოვაციური სივრცის ჩამოყალიბება, რომელიც გააერთიანებს პედაგოგთა ძალისხმევას სწავლისა და აღზრდის აქტუალური პრობლემების გადაწყვეტაში, ხელს შეუწყობს მასწავლებელთა შორის ცოდნისა და გამოცდილების ურთიერთ გაზიარებას.
6.       კონკურსის შედეგების გათვალისწინებით აღნიშნული ინტერნეტ-რესურსებისა და მასმედიის მეშვეობით მეცნიერთა და სპეციალისტთა ყურადღების გამახვილება განათლების აქტუალურ პრობლემებზე.
7.       საერთო სარგებლობისთვის ღია და ხელმისაწვდომი ელექტრონული საგანმანათლებლო რესურსების თაობაზე პედაგოგიური საზოგადოების ინფორმირება და განათლების სრულყოფის მიზნით მათი აქტიური გამოყენება.

ამ პუბლიკაციით ვაგრძელებთ ”პროფესიული ”დაღლილობისა” და თვით რეგულაციის” რუბრიკას.თუ უკვე გაეცანით მასალებს: “პროფესიული დაღლილობის” სინდრომის შესახებ,” ”ორგანიზმის რეგულაციის ბუნებრივი ხერხები და თვით რეგულაცია,” ”თვით რეგულაციისა და საკუთარ თავზე ზეგავლენის ხერხები” - ვფიქეობთ, რომ დაგაინტერესებთ ისიც, თუ როგორ შეიძლება სიტყვის ზეგავლენით მოვიხსნათ ნერვულ-ფსიქიკური დაძაბულობა.

ეს პუბლიკაცია წარმოადგენს - ”პროფესიული ”დაღლილობისა” და თვით რეგულაციის” რუბრიკის გაგრძელებას.
თუ გაეცანით უკვე გამოქვეყნებულ მასალებს: “პროფესიული დაღლილობის” სინდრომის შესახებ,” ”ორგანიზმის რეგულაციის ბუნებრივი ხერხები და თვით რეგულაცია,” ”თვით რეგულაციისა და საკუთარ თავზე ზეგავლენის ხერხები” - ვფიქრობთ დაინტერესდებით მათი გაგრძელებითაც, რომელიც ეძღვნება კუნთების ტონუსის მართვის მეშვეობით ნერვულ-ფსიქიკური დაძაბულობის მოხსნისა და ძალების აღდგენის ხერხებს.

თუ ყურადღებით გაეცანით ამ პრობლემატიკაზე გამოქვეყნებულ წინა პუბლიკაციებს: “პროფესიული დაღლილობის” სინდრომის შესახებ” და ”ორგანიზმის რეგულაციის ბუნებრივი ხერხები და თვით რეგულაცია” ლოგიკურია, რომ დაგებადა კითხვა: კონკრეტულად - რა ხერხებით შეიძლება მივაღწიოთ განწყობაზე და ორგანიზმზე ეფექტურ ზეგავლენას?

საიტის მომხმარებელთა მოთხოვნის გათვალისწინებით გთავაზობთ პროფესიული დაღლილობის თემატიკის გაგრძელებას. ამ მასალაში შეგიძლიათ გაეცნოთ ზოგიერთ მოსაზრებას ორგანიზმის რეგულაციის ბუნებრივი ხერხებისა და თვით რეგულაციის თაობაზე. ამ ხერხების ნაწილს დაუფიქრებლად ხშირად იყენებთ, როდესაც გრძნობთ ფიზიკურ ან გონებრივ დაღლილობას.  

პროფესიულ საქმიანობასთან კავშირში ამ პრობლემაზე, ოღონდ სხვა და სხვა სახელწოდებითა და ტერმინოლოგიით, აქტიურად მსჯელობენ მრავალ ქვეყანაში. მის განხილვაში ძირითადი აქცენტი კეთდება ე.წ. სოციალური პროფესიების მიმართ.