რას წარმოადგენს სასკოლო საიტი? რისთვის სჭირდება სკოლას და რას ემსახურება ის. ამ საკითხების გარკვევის პროცესში მოვისმინეთ მოსაზრება, რომ საიტი სკოლის, მისი წარმატებულობისა და პრესტიჟულობის სახეა, რომ მისი მეშვეობით მოსწავლეს, მშობელს, სხვა დაინტერესებულ პირს ექმნება საშუალება მიიღოს სრული, ოპერატიული ინფორმაცია სკოლისა და სასკოლო ცხოვრებაში არსებული შესაძლებლობების და სიახლეების შესახებ. აგრეთვე მოვისმინეთ ისეთი მოსაზრებაც, რომ სასკოლო საიტი - თანამედროვე მოდური გატაცებაა, ფუჭად დახარჯული დრო, ენერგია და სახსრებია, ასეთი საიტით მაინც არავინ ისარგებლებს, ის კი მოითხოვს მუდმივ ზრუნვას და ა.შ.. ჩვენდა სასიხარულოდ მოვისმინეთ მოსაზრება, რომ სასკოლო საიტი საჭიროა და ის არ არის მოდისათვის გაწეული ხარკი, არამედ რეალურად სასარგებლო რესურსია, სკოლის ადმინისტრაციის, პედაგოგების, მშობლების, მოსწავლეების თვისობრივად ახალი კომუნიკაციის საშუალებაა, ოღონდ ერთი პირობით - საიტი უნდა იყოს ცოცხალი, საინტერესო, სასარგებლო . ინფორმაციულობის გარდა ის მომხმარებელს უნდა უქმნიდეს შემოქმედებისათვის საჭირო სივრცეს. ვიზიარებთ ასეთ მოსაზრებას და   გვინდა შევთავაზოთ სასწავლო დაწესებულებებს აქტიურად გამოიყენონ ჩვენი საიტის შესაძლებლობები:                        
-      უფასოდ განათავსეთ ინფორმაცია თქვენი სასწავლო დაწესებულების შესახებ, ინფორმაციის მოცულობა: ლოგოტიპი, მისამართი, საკონტაქტო ტელეფონი, ინტერნეტ რესურსის მითითება;
-      გამოაქვეყნეთ შეტყობინება სკოლაში მიმდინარე და განსახორციელებელი პროექტების თაობაზე;
-      განათავსეთ ინფორმაცია დანერგილი ან დაგეგმილი ინოვაციების შესახებ;
-      მოგვაწოდეთ ინფორმაცია არა მხოლოდ თვით სკოლისათვის, არამედ სხვებისათვისაც საინტერესო ღონისძიებების შესახებ;
-      რაიონისა თუ ქალაქის ახალგაზრდობისათვის საინტერესო სკოლის   წამოწყებებისა და ინიციატივების თაობაზე;
-      შესაბამისი რეგისტრაციის შემდეგ გთავაზობთ თქვენი მისამართიდან ან თქვენს მიერ მოწოდებული ინფორმაციიდან გადასვლას სასკოლო საიტზე.
    აგრეთვე გვაქვს სურვილი შემოგთავაზოთ სასკოლო საიტების კონკურსის ჩატარება, მისი ჩატარების დებულების შესახებ, თქვენი დაინტერესების შემთხვევაში, გაცნობებთ დამატებითად. გარდა ამისა სკოლებს, რომლებსაც დღეისათვის არ გააჩნიათ და სურთ დაამზადონ სასკოლო საიტი, შეგვიძლია გაუწიოთ კონსულტაცია და დახმარება.
უკვე არიან ამის მონაწილეები, მიბაძეთ მათ!