ინფორმაციის შენახვის მოწყობილობებიდან განასხვავებენ მუდმივი და დროებითი მეხსიერების დისკებს.

მუდმივი მეხსიერების დისკი ანუ მყარი დისკი (”ვინჩესტერი”) HDD ჩვეულებრივ მოთავსებულია სისტე-მურ ბლოკში, თუმცა ასევე არსებობს გარე და ამოსაღები მყარი დისკები. HDD - მყარი დისკი, ენერგოდამოუკიდებელი ინფორმაციის დამგროვებელი მოწყობილობაა. პერსონალური კომპიუტერის მყარი დისკის ძირითადი მახასიათებლებია ტევადობა (თანამედროვე ვინჩესტერებში ჩვეულებრივ იზომება გიგაბაიტებში), შემთხვევითი დაშვების დრო (random access time) და თავაკის ბრუნვის სიჩქარე (spindle speed 4200-5400-7200-ნოუთბუკებში და 7200-10000 ბრ/წთ პერსონალურ კომპიუტერებში).

500GB/ Seagate ST3500630A Ultra ATA/100 16MB 7200rpm 4.16ms

 ამ ჩანაწერის მიხედვით მყარი დისკის ტევადობაა  500GB, მწარმოებელი ფირმა - Seagate, მოდელი - ST3500630A,  გამოყენებული ტექნოლოგია - Ultra ATA/100 , ქეშ-მეხსიერება - 16MB, ბრუნვის სიჩქარე - 7200rpm, ლოდინის საშუალო დრო - 4.16ms.

დროებითი(ცვლადი) მეხსიერების დისკებიდან ჩვენ განვიხილავთ FLoppy, CD და DVD დისკწამკითხველებს.

Floppy Drives (დრეკადი დისკი, A: დისკი)-ინფორმაციის მაგნიტური  შენახვის საშუალებაა, პლასტიკის დამცავი გარსის დისკეტა. დისკეტას იყენებდნენ ერთი კომპიუტერის მეორეს კომპიუტერში ინფრომაციის გადასატანად.  

ტერმინი - ფლოპი განსაზღვრავდა მოძველებულ 8 ინჩის ზომის დისკეტას, არსებობდა ასევე 5,5 ინჩის, რომელსაც ეძახდნენ მინიფლოპი დისკეტას, და 3,5 ინჩის მიკროფლოპი დისკეტა.  

თანამედროვე კომპიუტერებში შეიძლება შეგვხდეთ 3,5 ინჩის ფლოპი, ან საერთოდ არ ჰქონდეს ფლოპი.

მისი დადებითი მხარე არის ფიზიკური პატარა ზომა და უარყოფითი პატარა მოცულობა (იგულისხმება ინფორმაციის ტევადობა). როდესაც მყარ დისკზე ეტევა ინფორმაციის ასობით გიგაბაიტი, დისკეტაზე ეტევა მხოლოდ 1,4 მეგაბაიტამდე.  

CD-ROM Drives (კომპაქტ-დისკები)-ინფორმაციის დიდი ხნით შესანახი საშუალებაა. განსხვავებენ CD-ROM, CD-R და CD-RW დისკებს.

CD-ROM (Compact Disc Read-Only Memory) - CD-ROM არის მხოლოდ წასაკითხი, რაც ნიშნავს იმას რომ ერთხელ ჩაწერილი ინფორმაცია არ შეიძლება იყოს წაშლილი ან შეცვლილი. СD-ROM-ით ჩაწერილი ინფორმაციის წვდომის დრო მეტია, ვიდრე სჭირდება მყარი დისკს იგივე ინფორმაციის წასაკითხად. მაშ რატომ არის CD-ROM-ი  ესოდენ პოპულარული? მთავარი მიზეზია ის რომ იგი გამოყენებითი პროგრამების დისტრიბუციის ძირითადი საშუალებაა. პროგრამები დიდი ზომისაა და საჭიროებენ მეტ მოცულობის საშუალებებს. პროგრამის ინსტალაციისთვის საჭირო 100 დისკეტის მაგივრად (ესეც რეალურია) ვიყენებთ ერთ СD დისკს , რომელსაც საშუალოდ 650 MB ინფორმაციის შენახვის საშუალება აქვს.

CD-recordable (CD-R) და CD-rewritable (CD-RW) (ასევე ცნობილი როგორც CD-burners) - CD-ROM საფუძველზე შექმნილი მოწყობილობები, რომლებიც აძლევენ საშუალებას  მომხმარებელს შექმნან საკუთარი დისკები. გარეგნულად ჰგავნან CD-ROM-ს, მაგრამ აქვთ მინიშნება  CD-R ან CD-RW.

CD-R და CD-RW შორის განსხვავება არის ის, რომ CD-R -ზე ჩაწერა შეიძლება მხოლოდ ერთხელ, CD-RW -ზე ინფორმაცია შეიძლება ჩაიწეროს და წაიშალოს მრავალჯერ.

CD-RW-ზე მინიშნებულია მისი წაკითხვის, ჩაწერის და გადაწერის სისწრაფის დრო. СD-ROM-ს თუ ჰქონდა ნიშანი 16X, CD-RW-ს ექნება 32X-16X-4X, რაც ნიშნავს რომ,  

მას წაკითხვის სისწრაფე აქვს 32, ჩაწერის 16 და გადაწერის 4.

DVD-ROM-ინფორმაციის შენახვის   უახლესი საშუალებაა. DVD (digital video disk) (ნახ.28) ტექნოლოგია გამოიყენება სახლის კინოთეატრის სისტემებში. DVD-ROM ძირითადში იგივეა, რაც DVD პლეიერი სახლის კონოთეატრის სისტემებში. შედეგად თუ კომპიუტერის აქვს DVD-ROM-ი და შესაბამისი ვიდეო კარტა,  შესაძლებელია DVD ფილმების ნახვა კომპიუტერის მონიტორზე. რა თქმა უნდა მხოლოდ ეს არ არის DVD-ROM-ის დანიშნულება. DVD–ROM-ის ტექნოლოგია განსხვავებულია CD-ROM-ის ტექნოლოგიისგან, მას შეუძლია 4,3 GB ინფორმაციის შენახვა. ეს შესაძლებელს ქმნის მათ გამოყენებას დიდი ზომის პროგრამების დისტრიბუციისთვის. ორმხრივი და ორ ფენიანი კონფიგურაციის DVD-ROM-ი შეიცავს 17 GB ინფორმაციას ( ეს არის 26 СD-ROM-ი ტევადობა)

ვიზუალურად DVD-ROM-ი მსგავსია CD-ROM-იც. მხოლოდ წინა პანელზე შეიძლება იყოს DVD-ს ლოგო. DVD ჩაწერის ტექნოლოგიების ვარიაციები შეიძლება იყოს DVD+R, DVD+RW, DVD-R, DVDRWб DVD-RAM, DVD-R DL და DVD+R DL .

ბოლო პერიოდში დიდი პოპულარობა ჰპოვა  ,,ფლეშ მეხსიერების” (thumb drive) დისკებმა, რომლებიც კომპიუტერებს ჩვეულებრივ USB პორტის საშუალებით უერთდებიან. მათი ძირითადი უპირატესობაა მცირე ფიზიკური ზომა, 16 გიგაბაიტამდე მოცულობა (სტანდარტულ მოდელებში 1-2 გბ) და გამოყენების სიმარტივე.