როგორც ნიცშე იტყოდა– "ცხოვრება მუსიკის გარეშე შეცდომა იქნებოდა"(without music life would be an error).

მუსიკა უდიდეს გავლენას ახდენს ჩვენს ცხოვრებაზე. არ არსებობს ადამიანი, რომელსაც არ უყვარს მუსიკა და არ აქვს საყვარელი სიმღერა. ბევრი ადამიანი ცხოვრობს და სუნთქავს მუსიკის მეშვეობით, ზოგი ამით შოულობს ფულს, მაგრამ დიდი უმრავლესობა(მათ შორის მეც) მუსიკის მოსმენისას განიტვირთება და სულიერად ისვენებს.. ნათქვამია, მუსიკალური თერაპია იმდენად ძლიერია, რომ მას შეუძლია განკურნოს დაავადებები და დარღვევები ტვინის არეში. ჩვენი მუსიკალური არჩევანი ასახავს ჩვენს იმიჯს საზოგადოებაში, გავლენას ახდენს ჩვენს განწყობაზე, გვაიძულებს, ვიყოთ უფრო გაბედულები, უფრო მხიარულები, ან, პირიქით, უფრო სევდიანები და დეპრესიულები. ეს ყველაფერი დამოკიდებულია იმაზე, როგორ აღვიქვამთ, ვგრძნობთ ჩვენს გარშემო არსებულ მუსიკას.

მუსიკა დიდ გავლენას ახდენს ჩვენს ჯანმრთელობაზე და ჩვენი ტვინის ფუნქციონირებაზე.

ზოგიერთ შემთხვევაში, პარკინსონით დაავადებულ პაციენტებს შეეძლოთ გადაადგილება მხოლოდ მაშინ, როდესაც ისინი იხსენებდნენ გარკვეულ სიმღერებს თავიანთი ახალგაზრდობიდან. ასევე ჩვენს მიერ არჩეული მუსიკის რიტმზე დამოკიდებულია ჩვენი გულისცემა ან სუნთქვის სიხშირე. ამიტომ ნელი მუსიკა ამშვიდებს ხოლო სწრაფი რიტმი გვძაბავს, ზედმეტად ჰარმონიული მელოდია კი ღლის ჩვენს ტვინს.

ჩვენი რეაგირება სიმღერაზე დამოკიდებულია წარსულ გამოცდილებაზე. თუ სიმღერა ასოცირდება სამწუხარო მოვლენასთან ჩვენს ცხოვრებაში, ჩვენ ვიწყენთ როდესაც გვესმის ის. მაშინ როცა სიმღერა ასოცირდება ბედნიერ მოგონებებთან, მისი მოსმენის დროს ჩვენ მხიარულ ხასიათზე ვდგებით.

მუსიკა გავლენას არა მარტო ადამიანზე ახდენს. მცენარეები უფრო სწრაფად იზრდებიან და უფრო მეტ მოსავალს იძლევიან, ინსტრუმენტალური მუსიკის ფონზე :))))განსაკუთრებით მოქმედებს ვიოლინო, ფლეიტა და ჰარმონიკა :))))