ამერიკულმა არასამთავრობო ორგანიზაციამ „Social Progress Imperative“ გამოაქვეყნა კვლევა "ადამიანის განვითარების ინდექსი 2014“, რომელიც ითვალისწინებს   ე.წ. სოციალური კეთილდღეობის დონეს მთელს მსოფლიოში.

ქვეყნის სოციალური განვითარების წარმატებულობა აღნიშნულ კვლევაში განისაზღვრება 56 ინდიკატორით, რომლებიც განაწილებულები არიან სამ ძირითად ჯგუფად.

პირველი ჯგუფი მოიცავს ადამიანის ძირითად მოთხოვნებს: საკვები,   პირველადი ჯანდაცვის, საცხოვრებლის, წყლის, ელექტროენერგიის, სანიტარული მომსახურების ხელმისაწვდომობასა და პირად უსაფრთხოებას.

მეორე ჯგუფში შესულია   ადამიანის კეთილდღეობის საფუძვლები:   საბაზო ცოდნის ხელმისაწვდომობა და მოსახლეობის წიგნიერების დონე, ინფორმაციისა და კომუნიკაციის ხელმისაწვდომობა, ჯანდაცვის დონე, ეკოლოგიური მდგრადობა.

 მესამე ჯგუფი ითვალისწინებს   ადამიანის განვითარების შესაძლებლობებს:   პირადი და სამოქალაქო თავისუფლების დონეს, ადამიანის უფლებებისა და შესაძლებლობების უზრუნველყოფას გადაწყვეტილების მიღებაში და საკუთარი პოტენციალის რეალიზაციაში.

კვლევის შედეგად, 132 ქვეყნიდან, პირველ ათეულში მოხვდნენ: ახალი ზელანდია, შვეიცარია, ისლანდია, ჰოლანდია, ნორვეგია, შვედეთი, ფინეთი, დანია, კანადა და ავსტრალია. ახალმა ზელანდიამ საუკეთესო შედეგებს მიაღწია ისეთი ინდიკატორებით, როგორიცაა პოლიტიკური უფლებები, ინფორმაციისა და კომუნიკაციის ხელმისაწვდომობა, სასკოლო განათლება.

 ამერიკის შეერთებული შტატები ამ სიაში დაფიქსირდნენ მე -16 ადგილზე, საფრანგეთი მე -20, ესპანეთი, ფინანსური კრიზისის მიუხედავად, აღმოჩნდა 21ადგილზე.

 ლათინურ ამერიკაში პირველ ადგილზე გავიდა კოსტა რიკა,   მსოფლიოში - ის 25 ადგილზეა. ურუგვაი ლათინურ ამერიკაში - მეორე ადგილზეა, ჩილე - მესამეზე. მათ შემდეგ არიან პანამა და არგენტინა, შემდეგ კი - ბოლივია, პარაგვაი, ნიკარაგუა, ჰონდურასი და კუბა.

 საქართველოს და მისი უშუალო მეზობლების რეიტინგი ასეთია:  მე - 60 ადგილზეა - სომხეთი, 66 - ზე - საქართველო და 73 - ზე - აზერბაიჯანი.

 აღნიშნული კვლევით დადგენილი რეიტინგი გვიჩვენებს, რომ ქვეყნების ეკონომიკური მაჩვენებლები პირდაპირ კავშირში არიან სოციალური განვითარების დონესთან. თუმცა, ერთ სულ მოსახლეზე მთლიანი შიდა პროდუქტის მაღალი დონე, არ იძლევა მაჩვენებლების გაუმჯობესების გარანტიას ისეთ სფეროებში, როგორიცაა ეკოლოგია, ჯანდაცვა და სოციალური შესაძლებლობები. მაგალითად, მსოფლიოში მშპ - ს უმაღლესი მაჩვენებლის მქონე ნორვეგიამ - რეიტინგში დაიკავა მეხუთე ადგილი, ხოლო პირველ ადგილზე გავიდა ახალი ზელანდია, რომლის მშპ ერთ სულ მოსახლეზე თითქმის ორჯერ ნაკლებია, ვიდრე ნორვეგიაში.

 გარდა ამისა, აღსანიშნავია, რომ   სოციალური განვითარების და გაეროს ადამიანის განვითარების ინდექსი კორუფციის კომპონენტის შეფასებაში ემთხვევა ერთმანეთს. ექსპერტთა აზრით,   კორუფციის წინააღმდეგ   ბრძოლა   ქვეყანას გრძელვადიან პერსპექტივაში აძლევს შესაძლებლობას ოთხჯერ გაზარდოს სახელმწიფო შემოსავლები, 75%   - შეიძლება შემცირდეს ბავშვთა სიკვდილიანობის მაჩვენებელი, კორუფციის დონის შემცირება ბიზნეს უქმნის მნიშვნელოვნად სწრაფი განვითარების შესაძლებლობას.

წყარო:  ”Social Progress Imperative“  

P.S.  პირადი მოსაზრება: მიუხედავად იმისა, რომ ახალ ზელანდიას, თუ სხვა სახელმწიფოს, მართლაც გააჩნია სოციალური განვითარების ინდიკატორების მაღალი დონე,  მიმაჩნია, რომ ყველა ქართველი უნდა დაუბრუნდეს თავის მიწა - წყალს და ცხოვრობდეს საკუთარ, ოღონდ დალაგებულ და მოწესრიგებულ ქვეყანაში!