1.შესავალის მაგიერ ( რეკლამა   –   უჩინარი     დიქტატურის         სამყარო)                                                                                      

                          ,,თვით ყველაზე ნოვატორული გენიალური გამოგონებაც   კი–რომლის დროც ჯერ არ არის დამდგარი,   ჩაკვდება მხოლოდ და მხოლოდ იმიტომ, რომ არავის აზრად არ მოსვლია მისი რეკლამირება,’’–წერდა ჰოვარდ რაფი, ჯეფერსონის ინსტიტუტის დამაარსებელი(7;32).          რეკლამა, რომელიც ცივილიზაციის წიაღში აღმოცენდა, როგორც მარტივი ინფორმაცია მომსახურეობისა და პროდუქციის შესახებ, დღეისათვის უდიდეს როლს თამაშობს საზოგადოებაში, მისი ფუნქციონირების   სფერო დიდი ხანია გაფართოვდა ადამიანთა ინტელექტუალური მოღვაწეობის სფეროთა ხარჯზე.

                რუსი მეცნიერი სიჩოვი წერს: ,,თუ მხედველობაში მივიღებთ იმ ფაქტს, რომ, მაგალითად, აშშ–ში   დიდი ხანია არსებობს რეკლამის აკადემია, უამრავი ინსტიტუტი თუ სკოლა, რომლებიც ამზადებენ კადრებს სარეკლამო სფეროში მოღვაწეობისათვის, აგრეთვე იმ უთვალავ თეორიული თუ პრაქტიკული   ღირებულების ნაშრომებსა და სახელმძღვანელოებს, და თან თუ გავითვალისწინებთ   თანამედროვე რეკლამის გლობალურ ნიშან–თვისებას,–ზეგავლენა მოახდინოს განათლებული თუ გაუნათლებული მოსახლეობის ყველა ფენაზე, ნათელი გახდება, რომ   მაგალითად, ამერიკული რეკლამა(და   არა მარტო ის,მთლიანად რეკლამა), წარმოადგენს პრაქტიკული მოღვაწეობის სფეროს,–ურთიერთობის განსაკუთრებულ ფემომენს’’(11;97). (,,Если принять     во внимание наличие в США академии рекламы и большого числа институтов, факультетов и школ, осуществляющих подготовку кадров для рекламы и издающих огромное   количество   теоретических исследований и учебных пособий, а также учесть глобальный характер современной рекламы, способной оказывать воздействие на все слои   грамотного и неграмотного населения, то необходимо сделать следующий вывод: американская реклама(как и реклама в целом)представляет не только обширную сферу практической   деятельности, но и особую сферу общения’’).

                  სარეკლამო საქმიანობა ადამიანმა უხსოვარი დროიდან დაიწყო, რისი დამადასტურებელი ფაქტებიც   საკმაოდ ბევრია შემორჩენილი ძველი მსოფლიოს ისტორიაში. უფრო მეტიც, რეკლამის ისტორია ჩვენი ცივილიზაციის ისტორიაა. ზოგიერთი მეცნიერი რეკლამის ნიშნებს ბიბლიაშიც პოულობს.   სიტყვა ,,რეკლამა’’ წარმოდგება ლათინური სიტყვიდან, რაც ნიშნავს ,,ვყვირივარ’’.   კაიროს არქეოლოგიურ   მუზეუმში   შემონახულია   ქვა, რომელიც   2500 წლისაა,   წარწერით     ,,მე, რინო, კრიტოს კუნძულებიდან, ვხსნი სიზმრებს’’. ეს წარწერა პირველ სარეკლამო განცხადებადაა მიჩნეული. ლონდონის მუზეუმში   ინახება   ძველეგვიპტური     პაპირუსი, რომელიც იტყობინებოდა მონების გაყიდვის შესახებ. ჩინეთში უკვე მეათე საუკუნეში არსებობდა ბეჭდვითი რეკლამა. შანხაის მუზეუმში   დაცულია სპილენძის ფირფიტები, მათზე ამოტვიფრულია იყო ის ნივთები, რასაც ,,რეკლამა’’–ს   უკეთებდნენ.     რეკლამას მიეკუთვნება აგრეთვე ის სავაჭრო ნიშნები, ემბლემები, რომლებიც მესოპოტამიელ ვაჭრებს ეკუთვნოდა. იმ დროისათვის თავისი საქმის ნამდვილი ოსტატი ხელოსნების პროდუქცია–სავაჭრო ნიშნით დამშვენებული, დიდი მოწონებით სარგებლობდა.

            ძველი რომის ქუჩებსა და მოედნებზე აღმართული იყო ეგრეთ წოდებული ,, ალბუმსები’’, სადაც განცხადებები იყო გამოკრული. აი, მაგალითად, ტიპიური განცხადება–,,მონას აქვს შესანიშნავი   სმენა, ძალიან კარგი მხედველობა, გარანტირებულია მისი მორჩილება, მცირე საჭმლით დაკმაყოფილება და სისუფთავე’’(11). პომპეის ერთ–ერთი ქუჩა, სახელწოდებით ,,ოლფევრი’’, რომელიც არქეოლოგებმა გათხრების შედეგად აღმოაჩინეს, მთლიანად თავისებურ   ალბუმსს   წარმოადგენდა. ის გაყოფილი   იყო   23   ნაწილად, დანაწილებული იყო ცალ–ცალკე ადგილები სხვადასხვა სახის განცხადებებისათვის–ცალკე იყო თეატრის განცხადებები, ცალკე კომერციული