საქართველო მდებარეობს სამხრეთ-აღმოსავლეთ ევროპაში რუსეთს, აზერბაინჯანს, სომხეთს, თურქეთს და შავ ზღვას შორის. სანაპირო ზოლის სიგრძეა დაახლოებით 310 კმ; მიწის საზღვრის სიგრძეა 1838 კმ, რომელიც მოსაზღვრე ქვეყნების მიხედვით შემდეგნაირადაა განაწილებული: რუსეთთან საზღვრის სიგრძეა 894 კმ, აზერბაინჯანთან – 445 კმ, სომხეთთან – 224 კმ, თურქეთთან – 275 კმ. სულ საქართველოს სახელმწოფო საზღვრის სიგრძეა დაახლოებით   2148 კმ.

ქვეყნის მიწის ფართობია 6949,4 ათასი ჰექტარი. 2002 წელს, `წყლის შესახებ~ საქართველოს კანონის შესაბამისად, გამოანგარიშებულ იქნა ტერიტორიული წყლების (შავი ზღვის) ფართობი 679,0 ათასი ჰექტარის ოდენობით, რის შედეგადაც მთელი ტერიტორიის ფართობი 2002 წლის 1 იანვრიდან განისაზღვრა 7628,4 ათასი ჰექტარით, საიდანაც 3025,8 ათასი ჰექტარი 39,7% სასოფლო-სამეურნეო სავარგულია. ინტენსიური გამოყენების სავარგული (სახნავი და მრავალწლიანი ნარგავები) 1065,3 ათასი ჰექტარია (მთელი სასოფლო-სამეურნეო სავარგულის 35,2%); აქედან: სახნავი – 802,1 ათასი ჰექტარი (26,5%), მრავალწლიანი ნარგავები – 263,5 ათასი ჰექტარი (8,7%); სათიბი - 143,5 ათასი ჰექტარი (4,7%), საძოვარი – 1796,6 ათასი ჰექტარი (59,4%).

სასოფლო-სამეურნეო სავარგულებში საკარმიდამო მიწაზე განლაგებული საცხოვრებელი, სამეურნეო შენობებით და ეზოებით დაკავებულია 20,1 ათასი ჰექტარი (0,7%).

ქვეყნის ტერიტორიის 60,3% ანუ 4602,6 ათსი ჰექტარი დაკავებულია ტყე-ბუჩქნარით, წყლით, გზებით, შენობა-ნაგებობებით და სხვა გამოუყენებელი (კლდეები, ხრამები, ქვიშრობები, ეროზირებული დამეწყრილი, მყინვარები, სასაფლაოებით დაკავებული) ფართობები.

საქართველოს ადმინისტრაციულ საზღვრებში მოქცეული ტერიტორიიდან: 2838,3 ათასი ჰექტარი (33,3%) დაკავებულია ტყით; 11,5 ათასი ჰექტარი (0,2%) _ მინდორსაცავი ტყის ზოლებით; 154,7 ათასი ჰექტარი (2,1%) დაფარულია მერქნიანი ბუჩქნარით; 17,1 ათასი ჰექტარი ჭაობით (0,2%); 876,5 ათასი ჰექტარი წყლით (11,5%); საიდანაც: მდინარეებით და ნაკადულებით დაკავებულია 91,3 ათასი ჰექტარი (1,2%); წყალსაცავებით – 17,9 ათასი ჰექტარი (0,2%); მყინვარებით _ 21,3 ათასი ჰექტარი (0,3%); ტბებით _ 17,5 ათასი ჰექტარი (0,2%); ტბორებით _ 1,0 ათასი ჰექტარი (0,01%); მაგისტრალური არხებით და შიდა ქსელებით _ 49,0 ათასი ჰექტარი (0,6%); შავი ზღვის ტერიტორიული წყლებით _ 678,5 ათასი ჰექტარი (8,9%); გზებით _ 291,2 ათასი ჰექტარი (3,8%); შენობებით _ 108,1 ათასი ჰექტარი (1,4%); დაზიანებული მიწებით _ 6,3 ათასი ჰექტარი (0,1%); არასასოფლო-სამეურნეო დანიშნულების გამოუყენებელი მიწებია 298,9 ათასი ჰექტარი (3,9%); აქედან: კლდეებით დაკავებულია _ 18,4 ათასი ჰექტარი (0,2%); ქვიშრობებით 2,4 ათასი ჰექტარი (0,03%); ხრამებით და ხევებით _ 171,3 ათასი ჰექტარი (2,2%); სასაფლაოებით _ 4,1 ათასი ჰექტარი (0,05%); ეროზირებული და დამეწყრილია _ 102,7 ათასი ჰექტარი (1,3%).

წყარო: http://www.garemo.itdc.ge/index.php?site-id=101