კარიერა იწყება სამუშაო ადგილის მოძებნისა და მოპოვების რთული და ხანგრძლივი პროცედურიდან, რეზიუმეს (ან CV) წარდგენით, ინტერვიუს (გასაუბრების) გავლით და არ მთავრდება პენსიამდე ან სიცოცხლის ბოლომდე. უმეტეს შემთხვევაში ადამიანები ამ ცნებას აიგივებენ მხოლოდ ვერტიკალით თანამდებობრივ ზრდასთან და ნაკლებად იციან იმის შესახებ, რომ კარიერა შეიძლება იყოს ჰორიზონტალური - იმავე ორგანიზაციაში თანაბარი დონის ქვედანაყოფებში გადასვლა.  

სამსახურის მოძებნის მეთოდების, რეზიუმეს (CV) შედგენისა და გასაუბრების გავლის პატარა საიდუმლოების, სამუშაო ადგილზე დამკვიდრებისა და კარიერული საფეხურებით სვლის ნიუანსების, ხელმძღვანელთან და ქვეშემრგომთან ურთიერთობების პრობლემებისა და სხვა აქტუალური საკითხების შესახებ შეიტყობთ ამ გვერდზე.

რა დროს კარიერაზე ლაპარაკია მსოფლიო და ”ქართული” კრიზისების პირობებში, იტყვით თქვენ, ოდნავ მისაღები ხელფასით რამე სამსახური მომაძებნინა მაინც და არ დავეძებ წინსვლას. კეთილი, დავიწყოთ სამსახურს მოძებნის ტექნოლოგიიდან, მაგრამ ყოველთვის გახსოვდეთ - ადამიანი, სანამ ის ცოცხალია, უნდა ფიქრობდეს და ზრუნავდეს კარიერულ ზრდაზე, როგორც მისი კეთილდღეობის გაუმჯობესების ყველაზე რეალურ საშუალებაზე, წინააღმდეგ შემთხვევაში, ადრე თუ გვიან, ის დღეც გაუთენდება, როდესაც დაკავებულ სამუშაო ადგილსაც დაკარგავს. მოდით ერთად ნაბიჯ-ნაბიჯ გავიაროთ კარიერის დაწყების გრძელი გზა.ამისათვის გაეცანით მასალებს - ნაბიჯი 1,ნაბიჯი 2 და …