წიგნის მაღაზია "პარნასი" 2002 წლის 26 დეკემბერს თბილისის ცენტრში, ჭავჭავაძის 22-ში გაიხსნა. ეს იყო საქართველოში პირველი, თანამედროვე ტიპის, საერთაშორისო სტანდარტების მქონე წიგნის მაღაზია. იმ დროის თბილისისთვის "პარნასი", უჩვეულო და უპრეცენდენტო მრავალფეროვნებით, სრულიად ახალი მოვლენა იყო ქართველი მკითხველისათვის.

გახსნის დღიდან "პარნასში" სისტემატიურად ეწყობოდა ლიტერატურული საღამოები, ახალი ქართული წიგნების პრეზენტაციები და შეხვედრები კლასიკოს და ახალგაზრდა მწერლებთან თუ პოეტებთან, საზოგადო მოღვაწეებთან.

სხვადასხვა დროს "პარნასში" გაიმართა ვახუშტი კოტეტიშვილის, ოთარ ჭილაძის, გურამ დოჩანაშვილის, ნუგზარ შატაიძის, ბესიკ ხარანაულის, გივი ალხაზიშვილის, ლანა ღოღობერიძის, დათო მაღრაძის, ზაალ სამადაშვილის, აკა მორჩილაძის, ანა კორძაია-სამადაშვილის, დათო ტურაშვილის, მიხო მოსულიშვილის, ლაშა ბუღაძის, ზაზა თვარაძის, ირაკლი კაკაბაძის, ბესო ხვედელიძის, ზვიად რატიანის, რატი ამაღლობელის, ნესტან კვინიკაძის, შოთა იათაშვილის, ბასა ჯანიკაშვილის, გაგა ნახუცრიშვილის, ნიკუშა ანთაძის და სხვა მრავალი მწერლის და საზოგადო მოღვაწის წიგნის პრეზენტაცია.

ზუსტად სამი წლის შემდეგ "პარნასის" კიდევ ერთი მაღაზია გაიხსნა თბილისში, ლესელიძის ქუჩაზე, სადაც გადაინაცვლა ჩვეულმა ღონისძიებებმა.

2006 წლის სექტემბერში "პარნასის" ქსელი დასავლეთ საქართველოში გაფართოვდა და გაიხსნა ფილიალი ფოთის ცენტრში.

ყოველი წლის 26 დეკემბერს, წლის განმავლობაში ყველაზე გაყიდვადი წიგნების ავტორებს და გამომცემლებს გადაეცემათ "პარნასის" ყოველწლიური პრემია წლის ბესთსელერისათვის.

"პარნასი" მარაგდება ქართული წიგნის ბაზარზე არსებული ყველა ქართული თუ უცხოური გამოცემით. გარდა ამისა მაღაზია გამოირჩევა უცხოენოვანი ლიტერატურის სიუხვით.

წიგნის მაღაზიები:

1.“წიგნის სახლი” - ლიტერატურული კაფე, თარხნიშვილის 2

2.“წიგნის სახლი” - პეკინის ქ.

3.“პარნასი” - ჭავჭავაძის 22, ტელ: 253986 ფაქსი: 251422, e-mail: parnassusbooks@gol.ge

4.“პარნასი” - კოსტავას 22,

5.“პარნასი” - ლესელიძის 33, ტელ: 989064 ფაქსი: 251422, e-mail: parnassusbooks@gol.ge

6.“პარნასი” - ვაჟა ფშაველას 58

7.“სანტა ესპერანსა” - პეტერბურგის ქ., ტელ: 95 93 51, 26 29 30 ფაქსი: 91 11 65, e-mail: info@santaesperanza.ge

8.“საუნჯე” - რუსთაველის 46

9.“საუნჯე” - ჭავჭავაძის 19

10.“პალიტრა L” - იოსებიძის 49, ტელ: 895961000, 383871, E-mail: book@kvirispalitra.com, ფაქსი 380876

11.“ბონა კაუზა” - თაბუკაშვილის 12, ტელ: 99 00 71, : ფაქსი: 99 00 71