უმეტესისთვის კარგად ცნობილი კომპანიის ”დოქტორი ვები”- ს შეტყობინებით მიმდინარე წლის 17 სექტემბრიდან დაფიქსირდა ”ტროიანის” პროგრამის ახალი ვირუსის DownLoad.47256 მასიური დაგზავნა. ოც დღეში საფოსტო ტრაფიკში აღმოჩენილი მავნე მოდულების საერთო ნაკადში DownLoad.47256 - ის ხვედრითმა წილმა 90% -ს გადააჭარბა, მის თაობაზე დღე- ღამეში შეტყობინებების ერთ მილიონზე მეტი შემოდის. კომპიუტერში შეღწევის შედეგად ეს ვირუსი ქმნის svchost.exe (ან smss.exe) პროცესს და მასში ნერგავს თავის კოდს. ამის შემდეგ აუქმებს საწყის ფაილს, ხოლო მავნე პროგრამა აგრძელებს მუშაობას და ცდილობს დაუკავშირდეს მოშორებულ სერვერს და იქიდან ატვირთოს დამატებითი კომპონენტები. თუ ამას აღწევს, სტოვებს გადმოქაჩულ ფაილს და თვითონ ასრულებს მუშაობას. ამ გზით შემოტანილ მავნე კომპონენტებს მრავალნაირი ფუნქციები გააჩნიათ - მაგალითად პერსონალური მონაცემებში შეღწევა და დაუფლება ან კლავიატურის მეშვეობით შეტანილი ინფორმაციის დატაცება.
”დოქტორ ვებ”-ის მონაცემებით, ამჟამად საიტი, რომლიდანაც DownLoad.47256 ახორციელებდა დამაზიანებელი პროგრამების ატვირთვას, არ ფუნქციონირებს. მაგრამ სავარაუდოა ეს ხელს არ შეუშლის ვირუსის ახალი მოდიფიკაციების გავრცელებას, რომლებიც გააგრძელებენ სხვა კვანძებიდან დამატებითი მოდულების ატვირთვას.

მომზადებულია ”დოქტორ ვებ”- ის მასალებზე დაყრდნობით.