ყველასთვის კარგად არის ცნობილი, რომ მეორე სასიგნალო სისტემა ადამიანის ქცევის უმაღლესი მარეგულირებელია.ხალხში იტყვიან ხოლმე - ”სიტყვამ შეიძლება მოკლას ადამიანი.” მაგრამ, ალბათ დაგვეთანხმებით, რომ ასეთივე წარმატებით მან შეიძლება გადაგარჩინოს. სიტყვას შეუძლია აამოქმედოს თვითშთაგონების მექანიზმი, რის შედეგადაც ამოქმედდება ორგანიზმის ფსიქოფიზიოლოგიურ ფუქციებზე ზეგავლენა. ამისთვის, რომ მივაღწიოთ სასურველ ეფექტს ვეცადოთ, რომ თვითშთაგონების ფორმულირება წარმოადგენდეს მხოლოდ პოზიტიური (და არა ნეგატიური ან უარყოფის) დატვირთვის მქონე, მარტივ და მოკლე მტკიცებას.
ხერხი პირველი: თვითბრძანება.
ის წარმოადგენს მოკლე და კონკრეტულ განკარგულებას ( მითითებას) საკუთარი თავის მიმართ. ამ სახის ხერხი გამოიყენეთ იმ შემთხვევაში, როდესაც დანამდვილებით დარწმუნებული ხართ თუ როგორ უნდა მოიქცეთ კონკრეტულ ვითარებაში, მაგრამ გიჭირთ ამის შესრულება. მაგალითად: ”ილაპარაკე - მშვიდათ,” ”დამშვიდდი”, ”გაჩუმდი”, ”არ აყვე პროვოცირებას” და ა.შ. ასეთი საკუთარი თავისადმი ბრძანება დაგახმარებათ იმაში, რომ შეიკავოთ ემოციები, მოიქცეთ ღირსეულად, ურთიერთობაში დაიცვათ ეთიკის ნორმები ... და საბოლოო ჯამში დარჩეთ გამარყვებული.
- ამისათვის მკაფიოთ ჩამოაყალიბეთ თვითბრძანების ფორმულირება;
- რამოდენიმე ჯერ გაუმეორეთ ის საკუთარ თავს და, თუ იმ სიტუაციაში ეს შესაძლებელია, გაიმეორეთ ხმამაღლა.
ხერხი მეორე: თვითპროგრამირება.
ხშირ შემთხვევაში საჭიროა გაიხსენოთ თქვენი წარსული, წარმატება ანალოგიურ ვითარებაში. წარმატების გახსენება დაგეხმარებათ აღადგინოთ წარმოდგენა თქვენი შესაძლებლობების შესახებ სულიერ და ინტელექტუალურ სფეროში, შეგმატებთ რწმენას საკუთარ ძალებში.
გაიხსენეთ სიტუაცია,როდესაც თქვენ წარმატებულად ართმევდით თავს ანალოგიურ სირთულეებს.
ამ გამოცდილებიდან გამომდინარე დაისახეთ მოქმედების პროგრამა - განუცხადეთ საკუთარ თავს, რომ დღეს თქვენ ყველაფერი გამოგივათ. მაგალითად:
- დღეს მე ვიქნები ყველაზე მშვიდი და ბრძენი, იმავდროულად მოხერხებული და თვითდაჯერებლი;
- მე მსიამოვნებს ვილაპარაკო მშვიდი და თვითაჯერებული ხმით, ვიყო საკუთარ თავში დარწმუნებული;
შთაგონებისთვის რამოდენიმე ჯერ გაიმეორთ ეს აზრები.
ხერხი მესამე: თვითშექება, თვითსტიმულირება.
ხშირად ადამინები ვერ ღებულობენ მათი ქცევის რეალურ, დადებით შეფასებას. ნერვულ- ფსიქოლოგიური დაძაბულობის ვითარებაში ზუსტად ეს ფაქტორი შეიძლება იქცეს გაღიზიანების მიზეზად. ამ ფაქტორის ნიველირებისთვის მნიშვნელოვანია საკუთარი თავის წახალისება. მცირე წარმატებების შემთხვევაშიც კი შეაქეთ საკუთარი თავი: „ ყოჩაღ“, „ კარგად მოახერხე“, ”მშვენივრად გამოგივიდა ყველაფერი”. ეცადეთ ამ სახის შექებით დღეში 3-5 ჯერ წაახალისოთ საუთარი თავი. უმოკლეს ხანში შეატყობთ, რომ ნაკლები ნერვულობითა და დაძაბვით მსგავს ვითარებაში მიაღწევთ ბევრად უკეთეს შედეგს და თავსაც უფრო კომფორტულად იგრძნობთ.

გარდა იმისა,რაც უკვე მოგიყევით ამ პუბლიკაციაში არსებობს თვტითრეგულირების სხვა ხერხებიც, რომლებზეც,თუ ისურვებთ, მოგითხრობთ შემდეგ პუბლიკაციებში.