პირველად მსოფლიოში ტარდება ნობელის სტუდენტური ინტერნეტ-ოლიმპიადა

უნივერსიტეტების საერთაშორისო ასოციაციის წევრი დნეპროპეტროვსკის ეკონომიკისა და სამართლის უნივერსიტეტი (უკრაინა) აცხადებს მსოფლიო ნობელის სტუდენტური ინტერნეტ-ოლიმპიადის ჩატარებას ეკონომიკის დარგში, რომელიც დაგეგმილია 2009 წლის ოქტომბრიდან 2010 წლის აპრილის ჩათვლით. ოლიმპიადაში მონაწილეობის მიღება შეუძლიათ ეკონომიკისა სპეციალობის სტუდენტებს და ახალგაზრდა მეცნიერებს.

ოლიმპიადის მიზანია: ეკონომიკის დარგში ნობელის ლაურეატების სამეცნიერო იდეების გავრცელება სხვადასხვა ქვეყნის სტუდენტ-ახალგაზრდობას შორის, რაც ორიენტირებული იქნება თანამედროვე მსოფლიოს აქტუალურ სამეცნიერო ეკონომიკურ პრობლემებზე.

ოლიმპიადის წევრებს ეძლევათ შემდეგი დავალება:

1. წარმოადგინონ ორი ესე საერთო დევიზით: ა) "ნობელის პრემიის ლაურეატების სამეცნიერო მიღწევები ეკონომიკაში და მათი გამოყენება მსოფლიო ფინანსურ-ეკონომიკური კრიზისის დაძლევის მიზეზებისა და გზების ანალიზი". ამ მიმართულების ფარგლებში თითოეული მონაწილე თვითონ ირჩევს კონკრეტულ თემას. ესეს საერთო მოცულობა - არა უმეტესი 20 000 ნიშანი; ბ) "ნობელის მოძრაობა ჩემს ქვეყანაში და მისი განვითარების ჩემისეული იდეები". ესეს საერთო მოცულობა - არა უმეტესი 10 000 ნიშანი.
2. წარმოადგინონ ჰიპოთეზა, რომელიც ახსნის მსოფლიო ეკონომიკის განვითარების განსაზღვრულ ტენდენციას ან კონკრეტული მაკროეკონომიკური პრობლემის გადაჭრის კონცეფციას.
3. შეიმუშაონ თავისი მშობლიური ქვეყნის ეკონომიკაში ნობელის თეორიების პრაქტიკული გამოყენების პროექტი რეგიონალური მასალების გამოყენებით.

გამარჯვებულებს გადაეცემა შემდეგი პრიზები:

1 ადგილი (ერთი) - სპეციალურ პრიზი და ფულადი ჯილდო 1000 აშშ დოლარი, ამასთან იგი მოწვეული იქნება მეორე საერთაშორისო ნობელის ეკონომიკურ ფორუმზე - დნეპროპეტროვსკში 2010 წ. 19-21 მაისს საორგანიზაციო კომიტეტის მიერ საორგანიზაციო საწევროსა და ცხოვრების ხარჯების დაფარვით;
მე-2 ადგილი (ორი) - თითოეულს მედალი, სპეციალურ პრიზი და ფულადი ჯილდო 500 აშშ დოლარი, ამასთან იგი მოწვეული იქნება მეორე საერთაშორისო ნობელის ეკონომიკურ ფორუმზე დნეპროპეტროვსკში 2010 წ. 19-21 მაისს;
მე-3 ადგილი (სამი) - თითოეული მიიღებს მედალს, სპეციალურ პრიზს და ფულად ჯილდოს 300 აშშ დოლარს, ამასთან ისინი მოწვეული იქნებიან მეორე საერთაშორისო ნობელის ეკონომიკურ ფორუმზე დნეპროპეტროვსკში 2010 წ. 19-21 მაისს.

ნაშრომები გამოაგზავნეთ მისამართზე: nobelforum@duep.edu 2009 წლის 31 დეკემბრამდე

 2010 წლის 1 იანვრიდან ყველა საკონკურსო ნაშრომი განთავსდება საქველმოქმედო ფონდის ”ალფრედ ნობელის პლანეტა” (http://nobelplanet.org)