საბაკალავრო პროგრამებზე ჩაბარება.  
საბაკალავრო პროგრამებზე ჩაბარების რამდენიმე მოდელი არსებობს, ოღონდ თვითოეულ მათგანს გააჩნია თავისებურებანი. ამ მოდელებიდან შეგვიძლია გამოვყოთ შემდეგი ძირითადი ვარიანტები:
- უცხოურ სკოლაში დამამთავრებელი კლასების გავლა, მ.შ. საერთაშორისო პროგრამით International Baccalaureate;
- მოსამზადებელი პროგრამა უცხოელი აბიტურიენტებისათვის;
- კოლეჯში ”გადასვლითი (გარდამავალი, ტრანსფერული)” ტიპის პროგრამა;
- ჩაბარება საზღვარგარეთის უნივერსიტეტის პირველ კურსზე საქართველოში 1 – 2 კურსის დასრულების შემდეგ (თუ უცხოური სასწავლებელი აღიარებს ამას შესაძლებლობას); - ზოგ სასწავლებლებთან - სტუდენტთა და მეცნიერთა ურთიერთგაცვლითი პროგრამა Erasmus Mundus (ევროპული სამეცნიერო და საგანმანათლებლო სივრცის მობილობისა და თანამშრომლობის საგრანტო დაფინანსების პროგრამა).
ვარიანტი პირველი: ერთ-ერთი ყველაზე სანდო - ჩაბარება უმაღლეს სასწავლებელში უცხოეთში სკოლის გავლის მეშვეობით, ვინაიდან ღებულობთ იმავე ქვეყნის სასკოლო ატესტატს. გავრცელებული გზა - ბავშვის სკოლა-პანსიონში მოწყობა, საერთაშორისო პროგრამის International Baccalaureate არჩევით. ყველაზე ოპტიმალურია სკოლის უფროსი კლასების დამთავრება. ოღონდ უნდა გვახსოვდეს, რომ წინა წლებში გავლილ საგნებში შეფასებასაც აქცევენ დიდ ყურადღებას და ზოგი სკოლა ითხოვს ენობრივი ტესტის ჩაბარების მოწმობას, ზოგი კი კმაყოფილდება საკუთარი გამოცდით და გასაუბრებით.

ვარიანტი მეორე: ჩაბარება მოსამზადებელი პროგრამის გავლით.
საკმაოდ ეფექტური და პოპულარული გახდა მოსამზადებელი კურსების სისტემა უცხოელი აბიტურიენტებისათვის. ინგლისურენოვან ქვეყნებში მისი საერთო სახელწოდებაა Foundation, გერმანიაში - Studienkolleg და ა.შ.
ამ სახის პროგრამებს, როგორც წესია, აყალიბებენ კოლეჯების ბაზაზე ან უნივერსიტეტებთან. ის წარმოადგენს კომპლექსური მომზადების ერთ წლიან კურსს, რომელიც მოიცავს საგანთა სამი ბლოკი: ინგლისური ენა, მაპროფილებელი დისციპლინები და აკადემიური უნარ-ჩვევები. გარდა ამისა პროგრამა, ასე ვთქვათ, ამზადებს სტუდენტობისათვის და პრეტენდენტს წარმოდგენას უქმნის უმაღლესში სწავლების თაობაზე.
ვარიანტი მესამე: ჩაბარება კოლეჯის გავლით.
რიგ ქვეყნებში უნივერსიტეტები დებენ ხელშეკრულებებს კოლეჯებთან უცხოელი აბიტურიენტებისათვის ორ წლიანი (გარდამავალი) პროგრამების განხორციელების თაობაზე. ტრანსფერული პროგრამის წარმატებულად გავლის შემთხვევაში მსმენელი გადაჰყავთ უნივერსიტეტის მეორე, ზოგ შემთხვევაში, მესამე კურსზე. გავლილი დისციპლინების ჩათვლა ხდება კრედიტების (პირობითი ჩათვლითი ერთეული) მეშვეობით. ამ ვარიანტის უპირატესობა გამოიხატება იმაში, რომ მათზე მოხვედრა არ არის გართულებული, დიდად არ განსხვავდება Foundation პროგრამისგან, იმავდროულად კოლეჯში სწავლა 30-50% ნაკლები ღირებულებისაა, ვიდრე უნივერსიტეტში. ამ ვარიანტის სუსტი მხარე კი იმაშია, რომ კოლეჯები ტრანსფერული ხელშეკრულებებით ხშირად დაკავშირებული არიან არა ყველაზე პრესტიჟულ უნივერსიტეტებთან
ვარიანტი მეოთხე: საზღვარგარეთის უმაღლესი სასწავლებლების პირველ კურსზე ჩარიცხვა საქართველოში გავლილი მეორე კურსიდან. ამ გზის სირთულე გამოიხატება იმაში, რომ ეს შეუძლებელია ყველა ქვეყანაში და ნებისმიერ უნივერსიტეტში. ყველა კონკრეტულ შემთხვევაში საჭიროა დაზუსტება და გადამოწმება უშუალოდ უმაღლეს სასწავლებელში.

მიუხედავად იმისა თუ რომელ ვარიანტს აირჩევს საზღვარგარეთ სწავლის მსურველი, უნდა ახსოვდეს, რომ საბუთების მომზადების, ჩაბარების და ჩარიცხვის პროცედურა მოითხოვს საკმაოდ ხანგრძლივ დროს. ამიტომ უნივერსიტეტისა და პროგრამის შერჩევა უპრიანია დაიწყოთ დროულად ( არანაკლებ ერთი წლით ადრე).
ყველა საკითხის გარკვევაში და მოწესრიგებაში დახმარების გაწევა შეუძლიათ სპეციალიზებულ სააგენტოებს.

და კიდევ ერთი ფრიად მნიშვნელოვანი საკითხი - ხანგრძლივი სტუდენტური ვიზის მიღება.
ყველა ქვეყნის საელჩოსა და საკონსულო სამსახურს ამ საკითხისადმი გააჩნია საკუთარი მიდგომა და წესები. ნებისმიერ შემთხვევაში საზღვარგარეთ სწავლის მსურველმა უნდა წარადგინოს უნივერსიტეტიდან მოსული ჩარიცხვის დამადასტურებელი წერილი, ცნობა სწავლის (როგორც წესია პირველი წლის მაინც) ღირებულების გადახდის თაობაზე, მისი , მისი ოჯახის ან სპონსორის ფინანსური გადამხდელ უნარიანობის დოკუმენტები, ხოლო თუ მინიჭებული აქვს სტიპენდია - სტიპენდიის მინიჭების ცნობა. რა თქმა უნდა წარსადგენი საბუთების სტანდარტულ პაკეტში აგრეთვე იგულისხმება საკმარისი ვადის მქონე საზღვარგარეთ გამსვლელის პასპორტი, საჭირო რაოდენობის ფოტოსურათი, შევსებული ანკეტა, სამედიცინო დაზღვევა. საბუთების განხილვის შემდეგ შესაძლებელია, რომ მოგიწვიონ საელჩოში გასაუბრების გასავლელად.

შემდეგ პუბლიკაციაში მოგაწვდით სასარგებლო ინფორმაციას უცხოეთში სამაგისტრო და სადოქტორო პროგრამებზე ჩაბარების თავისებურების თაობაზე.