ჟურნალი გამოდის 2008 წლის დეკემბრიდან.რედაქტორები და გამომცემელი
მარიკა ლაფაური და დოქტორი ფრანკ ტრემელი, საზოგადოება ლილე, ჰამბურგი.

ჟურნალი     einBLICK Georgien   გამოდის შეზღუდული ტირაჟით, წელიწადში ორჯერ. გამოქვეყნებული მასალები ისე არის შერჩეული, რომ მათი აქტუალურობა გრძელვადიანი იყოს. უკვე დაიბეჭდა მისი   მესამე ნომერი. სათაურშივე მოცემული სიტყვის თამაში , - “ჩახედვა”, “გადათვალიერება” მიანიშნებს ჟურნალის შინაარსობლივ მიმართულებაზე.
ჟურნალის     einBLICK Georgien   პუბლიკაციების მიზანია საქართველოს მაგალითზე წარმოჩნდეს აღმოსავლეთისა და დასავლეთის შეხების და ასევე გაუგებრობების წერტილები და თვით საქართველო, როგორც თანამედროვე მსოფლიოს საზოგადოებრივი და პოლიტიკური მოვლენების ამსახველი სივრცე. ჟურნალი ემსახურება საქართველოს მსოფლიო კონტექსტში ინტეგრირებას. მის გვერდებზე გამოქვეყნებული სტატიები ჟურნალის რედაქციის თხოვნითაა სპეციალურად დაწერილი, ან ქვეყნდება პირველად გერმანულად. ჟურნალის რედაქცია მადლობას უხდის ყველას ვინც ეხმარება და კვლავაც დაეხმარება სარედაქციო-საგამომცემლო საქმიანობაში და ამ საქმიანობას სთვლის ჩვენ საერთო საქმედ.