ჟურნალ ”Forbes” რეიტინგულ შეფასებას საფუძვლად დაედო რეკრუტინგული საიტის Career Cast მიერ ჩატარებული კვლევა. რეიტინგი შედგენილია მოსალოდნელი შემოსავლების, დამსაქმებელთა მხრიდან მოთხოვნილების, სამუშაო ადგილის კომფორტულობისა და სტრესულობის დონის გათვალისწინებით.

მოულოდნელად მოთხოვნილი სამუშაო ადგილების ტოპ-ათეულის სათავეში მოექცა ისეთი პროფესია, როგორიცაა actuary ანუ აკტუარიუსი - სპეციალისტი, რომელიც ახორციელებს სადაზღვევო და სოციალური კომპანიებისთვის მიყენებული ზარალისა და კომპენსაციების აღრიცხვას. პრინციპში, ის არასდროს არ ითვლებოდა დიდად პრესტიჟულ პროფესიათ, მაგრამ უზრუნველყოფს გარანტირებულ დასაქმებას, მინიმალურ სტრესებსა და 85 ათას დოლარს წლიურ შემოსავალს.

საშურო პროფესიების სამეულში აგრეთვე შედის პროგრამული უზრუნველმყოფის ინჟინერი და კომპიუტერული სისტემის ანალიტიკოსი, საშუალო წლიური შემოსავლით პირველისათვის - 85, ხოლო მეორისათვის - 76 ათასი დოლარის ოდენობით და დასაქმების მაღალი პერსპექტივით.

2010 წელს აგრეთვე მოთხოვნილი იქნება ბიოლოგის, მათემატიკოსის, ბუღალტრის, სტომატოლოგის თანაშემწის, სტატისტიკოსისა და ადვოკატის თანაშემწის სპეციალობები.

სრულიად მოულოდნელად ტოპ-ათეულში მოხვდნენ ისეთი პროფესია, როგორიცაა ისტორიკოსი, სავარაუდო წლიური შემოსავლით 62 ათასი დოლარი, რაც აღემატება ბუღალტრის საშუალო ხელფასს, რომელიც შეადგენს დაახლოებით 59 ათას დოლარს.

არა მოთხოვნილი პროფესიების სიაში, "Forbes" ვერსიით, ძირითადად ფიგურირებენ, ეგრეთწოდებული, მუშური პროფესიები. ათეულის სათავეშია ნავთობ მომპოვებელი წარმოების დამხმარე მუშის სპეციალობა, რომელიც შორს არის კომფორტული სამუშაო ადგილის იდეალისგან, საკმაოდ სარისკო და ნერვიულია, იმავდროულად ამერიკული კრიტერიუმებით დაბალანაზღაურებადია - 31 ათასი დოლარი წელიწადში. საერთოდ წელს ამ დარგში მოსალოდნელია დაბალი კვალიფიკაციის მუშა ხელზე მოთხოვნილების შემცირება.

აგრეთვე   რთული იქნება ეს წელიწადი - ხის მჭრელებისათვის, შემდუღებლებისათვის, მშენებლებისათვის, მეტალურგებისათვის, ფოსტალიონებისათვის და რძის პროდუქციის მწარმოებელი ფერმერებისათვის.

ყველაზე ნაკლებად უზრუნველმყოფილ მუშაკად, ნაგვის დამლაგებელთან შედარებითაც კი, აღმოჩნდა ტაქსის მძღოლის პროფესია: ტაქსისტი - 22,   ნაგვის გამტანი - 31 ათასი დოლარი წელიწადში. ორივე ეს პროფესია მიჩნეულია ნაკლებად კომფორტულ და საკმაოდ ნერვულ საქმიანობად.

უმუშევრობის დონე ამერიკის შეერთებულ შტატებში ჯერ-ჯერობით რჩება უცვლელი და შეადგენს 10%. ექსპერტების აზრით ის რჩება ყველაზე აქტუალურ პრობლემად.