თუ დაფიქრებულხართ: რატომ ხდება, რომ სხვა და სხვა დაწესებულებაში ან ფირმაში მრავალი კარგი თანამშრომელი   წლების განმავლობაში რჩება დაწინაურების გარეშე? პასუხი მარტივია - წარმატებული კარიერისთვის მხოლოდ პროფესიონალიზმი არ არის საკმარისი, უნდა გაგაჩნდეთ საკმაო მოურიდებლობაც და კადნიერებაც.

1. შეწყვიტეთ ურთიერთობა წარუმატებელ ადამიანებთან
ყურადღება მიაქციეთ ადამიანების წრეს, რომლებთანაც გაქვთ ურთიერთობა. თუ მუშაობთ „საოფისე პლანკტონის“ სივრცეში, რომელიც მიჩვეულია ცხოვრების, კოლეგებისა და ხელმძღვანელების უსამართლობაზე მუდმივ ჩივილს, ასეთ გარემოცვას შეუძლია ნეგატიური ზეგავლენა მოახდინოს თქვენს თვითშეფასებაზე და შესაბამისად კარიერულ მიღწევებზეც. შესაძლოა ეს ცინიკურად ჟღერდეს, მაგრამ აუცილებლად უნდა თქვათ უარი წარუმატებელ ადამიანებთან ურთიერთობაზე, წინააღმდეგ შემთხვევაში ეს ჭაობი თქვენც ჩაგითრევთ.
წარმატებულ ადამიანებთან ურთიერთობის, ახალი კონტაქტების დამყარების დროს თქვენ შეგექმნებათ შესაძლებლობა გაეცნოთ ღირებულ გამოცდილებას. გარდა ამისა ახალი ადამიანის გაცნობა დაგეხმარებათ გათავისუფლდეთ კომპლექსებისგან, გადალახოთ ხელშემშლელი კომპლექსები. იმავდროულად ისწავლეთ უარის თქმა. უარის თქმის არცოდნა - ეს მანკიერება და არა ზნეობრიობაა. პატივს თუ სცემთ საკუთარ თავს და თქვენს დროს - ამით უბიძგებთ სხვებსაც რომ ქცენ პატივი, რაც ძალიან მნიშვნელოვანია კარიერისათვის.

2. გაიმარჯვეთ ყოველ დღე
იმისთვის, რომ შეიძინოთ რწმენა საკუთარ თავში ყოველ დღე უნდა აღწევდეთ შედეგს. რაც უფრო მეტ მცირე გამარჯვებასაც კი მიაღწევთ - მით უკეთესია. იმ შემთხვევაში, თუ თქვენი სამსახური ან საქმიანობა არ არის გამიზნული ყოველდღიურ უკუგებაზე, უნდა მიმართოთ სპორტს. სპორტი მოგცემთ საკუთარ თავზე გამარჯვების შეგრძნებას და გახდება საწინდარი მომავალი სერიოზული გამარჯვებებისა პროფესიულ ასპარეზზე.

3. ისწავლეთ პრეზენტაციის გაკეთება
შედეგების მიღწევა არ არის საკმარისი. უნდა შესძლოთ მათი სათანადოთ წარდგენა. დაუკვირვებელ ხელმძღვანელს დასაბუთებულად უნდა დაუმტკიცოთ, რომ მიღწეული შედეგი ძალიან მნიშვნელოვანია.
პრეზენტაციის გაკეთების უნარის შეფასებისთვის ჩაატარეთ მცირე ექსპერიმენტი. გადაიღეთ ერთი თვის მუშაობის შედეგების პრეზენტაცია ვიდეოზე. ამის შემდეგ ნახეთ გადაღებული პრეზენტაცია და ობიექტურად შეაფასეთ მისი ჩატარების უნარ-ჩვევები: შესთავაზებდით დაწინაურებას იმ ადამიანს (ანუ საკუთარ თავს), რომელიც პრეზენტაციის პროცესში ნახეთ ეკრანზე? თუ ოდნავ მაინც შეგეპარათ ეჭვი - ეს ნიშნავს, იმას რომ დროა გაიაროთ პრეზენტაციის ჩატარების და ორატორული ხელოვნების სწავლების კურსი. რა თქმა უნდა, დამოუკიდებლადაც შეგიძლიათ ისწავლოთ. ამ თემებზე არსებობს უამრავი ლიტერატურა და მასალა ინტერნეტში. განსაკუთრებული ყურადღება მიაქციეთ პრაქტიკულ ვარჯიშს. ორატორული უნარ-ჩვევები შეგიძლიათ დახვეწოთ მეგობრების და ახლობლების წრეში.

4. მიანიშნეთ
თუ უხერხულად მიგაჩნიათ ღიად განუცხადოთ ხელმძღვანელს საკუთარი შესაძლებლობების შესახებ, შეგიძლიათ გააკეთოთ ეს შემოვლითი გზით. იმავდროულად უნდა გესმოდეთ, რომ მართვის ხელოვნების დასაუფლებლად აუცილებელია მრავალი საკითხის შესწავლა. გარდა ამისა უნდა გაითვალისწინოთ, რომ ძალიან რთულია გახთე წარმატებული ხელმძღვანელი თუ არ გაგაჩნია ლიდერის თვისებები: საკუთარი თავმდაბლობის გამო შესაძლოა მოგიწიოთ არა მხოლოდ თქვენი საქმის კეთება, არამედ   ხელქვეითების მოვალეობების დიდი წილის შესრულებაც. თავიდანვე უნდა გაითვალისწინოთ, რომ ეს მცდარი გზაა. გაითვალისწინეთ ისიც, რომ თუ მიიღებთ გადაწყვეტილებას გაიაროთ მმართველთა სწავლების სპეციალური კურსი, ამით თქვენ ფარულად ანიშნებთ ხელმძღვანელობას, რომ მზად ხართ შეასრულოთ სერიოზული სამუშაო. ეცადეთ საკუთარ თავზე მიუთითებლად ესაუბროთ თქვენს ხელმძღვანელს კომპანიაში კადრების გადანაცვლების საკითხებზე და პერიოდულად აკვიატებულობის გარეშე მოახსენოთ, რომ კომპანიას გააჩნია ეფექტურობის ამაღლების ისეთი საკითხები, რომელთა გადაწყვეტაც თქვენ წარმატებულად შეგიძლიათ. დროთა განმავლობაში ეს მოიტანს სასურველ შედეგს და თქვენ მოგეცემათ შეთავაზებული პროექტის რეალიზაციის შესაძლებლობა.ხოლო შემდგომში, დაგროვებულ გამოცდილებაზე დაყრდნობით, შესძლებთ მიანიშნოთ უფრო რთული საკითხის გადაწყვეტის შესაძლებლობაზე და ამის განხორციელებისთვის თქვენ უკვე გარკვეული პერსონალიც დაგჭირდებათ.