/რუბრიკიდან: განმარტებები სამსახურში მოწყობის მსურველებს/
პიროვნული გამოკითხვა - ტესტის ერთ-ერთი გავრცელებული სახეობაა, რომელიც აქტიურად გამოიყენება   პერსონალის შერჩევის დროს.
რას წარმოადგენს პიროვნული გამოკითხვის ტესტი და როგორ მივაღწიოთ რაციონალური და კომუნიკაბელური ადამიანისთვის დამახასიათებელ შედეგს?
უმეტეს შემთხვევაში პიროვნული გამოკითხვის ტესტი შესდგება გარკვეული რაოდენობის (ათიდან - ექვსასამდე) კითხვისგან და თითოეულ კითხვაზე რამდენიმე პასუხისგან: მაგალითად, „დიახ“, „არა“ ან „არ ვიცი“. როგორც წესი, ამ ტიპის გამოკითხვა შეიცავს ანალიზისა და შეფასებისათვის საჭირო რამდენიმე ან მრავალ სკალას. საკუთარ თავში დარწმუნებული ადამიანები უმეტესად პატიოსნად პასუხობენ დასმულ კითხვებზე და ცდილობენ მაქსიმალურად სრულყოფილად წარმოაჩინონ თავი. ოღონდ ისინი არ ითვალისწინებენ იმას, რომ ამ ტიპის კითხვარებს ადგენენ არა „ანგელოზებზე“ ან უნაკლო პიროვნებებზე გათვლით, არამედ ისინი ორიენტირებული არიან საშუალო დონის თვისებებისა და მახასიათებლების მქონე ადამიანებზე. ამგვარი ტესტი ითვალისწინებს ჩვეულებრივი ადამიანის ბუნებრივ სურვილს ოდნავ მაინც „შეალამაზოს“ საკუთარი თავი. ამიტომ ნუ დაკარგავთ და, ზომიერების ფარგლებში, თქვენც გამოიყენეთ მოცემული შესაძლებლობა. მაგრამ ეცადეთ, რომ არ გადააჭარბოთ.
ზუსტად თუ არ იცით რა კრიტერიუმებით უნდა განხორციელდეს შერჩევა ან განთესვა გირჩევთ გაითვალისწინოთ და ამ პროცედურის დროს მუდმივად გახსოვდეთ შემდეგი მნიშვნელოვანი თვისებები:
1. ინტელექტი (დაგვეთანხმეთ, რომ არაგონიერი თანამშრომელი არავის არ ესაჭიროება)
2. პატიოსნება (სავალდებულო მოთხოვნაა უმეტესი თანამდებობისთვის)
3. კომუნიკაბელურობა (საჭიროა თითქმის ყველა სახის საქმიანობაში)
4. ორგანიზატორული უნარ-ჩვევები (გარკვეული დროს შემდეგ ნებისმიერ თანამშრომელს შეიძლება მოუწიოს გარკვეულ დონეზე ხელმძღვანელობა)
5. გაწონასწორებულობა და ემოციური მდგრადობა (ხელმძღვანელებს ყოველთვის ურჩევნიათ თანამშრომელი, რომლის ქცევა პროგნოზირებადი იქნება)
6. რაციონალურობა (ნებისმიერ მუშაკს უნდა შეეძლოს სახსრებისა და სამუშაო დროს გონივრული განკარგვა და ყაირათიანი გამოყენება)
და ბოლოს - სასარგებლო რჩევა, ზოგიერთი გასათვალისწინებელი თვისების თაობაზე: საკუთარი მარცხი ყოველთვის უნდა მიაწეროთ მხოლოდ თავის თავს, გამოგქონდეთ კონსტრუქტიული დასკვნები და მიესწრაფებოდეთ პიროვნული ზრდისაკენ.