ХХ საუკუნის ერთ-ერთმა მნიშვნელოვანმა მიღწევამ - ინფორმაციის თავისუფალი გავრცელების საშუალებების შექმნამ, წარმოქმნა იმის პირობები, რომ პირადი სახის ინფორმაცია გახდა საკმაოდ ხელმისაწვდომი, ხოლო პირადი მონაცემები  ხშირ შემთხვევაში დაუცველიც კი გახადა. ამ პროცესებში დიდი „დამსახურება“ კომპიუტერულ ვირუსებსაც ეკუთვნის.

კომპიუტერული ვირუსი წარმოადგენს კომპიუტერული პროგრამების სახეობას, რომელთა თავისებურება თვით რეპლიკაციაში (გამრავლების უნარში) გამოიხატება. გარდა ამისა ვირუსებს შეუძლიათ ნებისმიერი, მათ შორის მომხმარებლის კონტროლის ქვეშ მყოფი, ფაილის დაზიანება ან განადგურება. გთავაზობთ გაეცნოთ იმ ვირუსების სიას, რომლებმაც სხვა და სხვა დროს გამოიწვიეს დიდი აურზაური და კომპიუტერთან დაკავშირებით მომხმარებლებს შეუქმნეს საკმაო პრობლემები. ინტერნეტ სივრცეში ვირუსების გავრცელების და მათ მიერ მიყენებული ზიანის პრობლემა დღესაც ძალზე აქტიურია.

Brain

შეიძლება  ითქვას, რომ თავის მიმდევრებთან შედარებით ეს ვირუსი პრაქტიკულად ნაკლებად სახიფათოა. ის გადაიცემა დისკეტების მეშვეობით და იმით არის ღირსენიშნავი, რომ პირველად ისტორიაში გამოიწვია ნამდვილი ვირუსული ეპიდემია. მისი შექმნა ძმების ამჯათ და ბაზით ფარუგ ალვის (Amdjat и Basit Faroog Alvi) „დამსახურებაა“. ამ ვირუსის გავრცელება მათ 1986 წელს დაიწყეს, ხოლო მისი აღმოჩენა 1987 წლის ზაფხულში მოხვდა. არსებული ინფორმაციით ვირუსმა მხოლოდ ა.შ.შ.-ს ტერიტორიაზე  18 ათასზე მეტი კომპიუტერი დააავადა. საინტერესოა, რომ ეს პროგრამა დაიწერა სულ სხვა მიზნისათვის - ადგილობრივი პირატების დასასჯელად, რომლებიც ძმებისგან იპარავდნენ მათ მიერ შექმნილ პროგრამულ უზრუნველყოფას. ეს ვირუსი გამოირჩევა იმითაც, რომ ის გახდა პირველი სტელს-ვირუსი, ანუ დაზიანებული სექტორის წაკითხვის მცდელობის დროს ვირუსი „აპარებდა“ მის დაუზიანებელ ორიგინალს.

Jerusalem