ბრიტანეთის მასმედიის ინფორმაციით ლივერპულელმა იუველირმა სტიუარტ ჰიუზმა შექმნა მსოფლიოში ყველაზე ძვირი მობილური ტელეფონი, ღირებულებით 5 000 000 ფუნტი ( 8 მილ. დოლარი).

მეოთხე თაობის iPhone აპარატი მოთავსებულია ვარდისფერი ოქროს კორპუსში და მორთულია სუფთა წყლის 550 ბრილიანტით. ლივერპულელმა იუველირმა შექმნა ტელეფონის მხოლოდ ორი ეგზემპლარი ერთი და იგივე დამკვეთისთვის. მისი უცნობია, მაგრამ ვარაუდობენ, რომ ეს არის ”ძალიან მდიდარი ავსტრალიელი ბიზნესმენი”.

iPhone-ს კორპუსის უკანა ნაწილს და გვერდებს ამშვენებს 500 ბრილიანტი, მათი წონა შეადგენს 100 კარატს. Apple-ს მწარმოებელი კომპანიის ლოგოტიპს, რომელიც გამოსახულია ჩაკბეჩილი ვაშლის სახით, ამშვენებს 53 ალმასი. ეკრანის თავზე განლაგებულ ტელეფონის მართვის ღილაკში, რომელიც დამზადებულია პლატინისგან, ჩასმულია 7,4 კარატიანი უნაკლო, სუფთა წყლის ბრილიანტი. ის შეიძლება შეიცვალოს სხვა რვა კარატიანი ალმასით, რომელიც აგრეთვე შედის კომპლექტში.

ტელეფონს თან ერთვის მისი შესატყვისი შალითა, რომელიც დამზადებულია ვარდისფერი გრანიტის ერთიანი ნაჭრიდან და შიგნიდან დაცულია ”ნუბუკის” ტიპის ტყავით. ამ ფუტლარის წონა შვიდი კილოგრამია.

ბრილიანტის iPhone-ს მეხსიერების მოცულობა 32 გიგაბაიტს წარმოადგენს.

სტიუარტ ხიუზის სპეციალიზაციაა - მდიდარი და ცნობილი ადამიანებისთვის ამ სახის ტელეფონების დამზადება.მის ფირმას ასორტიმენტში ძვირფასი ქვებით მორთული უფრო ”იაფი”ტელეონების მოდელებიც, ღირებულებით 1,8 ათასი ფუნტიდან (2,8 ათასი დოლარი) – 22 ათას ფუნტამდე (35 ათასი დოლარი), გააჩნია.

შედარებისათვისა და ცნობისათვის - დიდ ბრიტანეთში ჩვეულებრივი iPhone აპარატი (16 გიგაბაიტის მეხსიერებით) 499 ფუნტი ღირს.