ყველა ქვეყანას გააჩნია ახალი წლის  საკუთარი მთავარი პერსონაჟი, ანუ საახალწლო ჯადოქარი. საფრანგეთში -  პერ ნოელი (Pere Noèl); შვედეთში - იულ ტომტენი;  უმეტეს ინგლისურ ენოვან ქვეყნებში - სანტა კლაუსი (Santa Claus); რუსათში - დედ მოროზ (Дед Мороз) და ა.შ.  წარმოშობისა და ამ პერსონაჟების ისტორიის უცოდინარობის გამო ზოგიერთი ადამიანი აიგივებს მათ, რაც არ არის სწორი.  

ფინეთში, ლაპლანდიის პატარა დასახლებაში, გადმოცემით კორვატუნტურის მთაზე, პატარა ქოხში (ან თვით მთაში) ცხოვრობს ნამდვილი თოვლის ბაბუა - სანტა კლაუსი, ფინურად კი Joulupukki  (”ტყის ადამიანი”, ”საშობაო ბაბუა”). იმის გამო, რომ ეს მთა ძალიან წააგავს ყურს, თოვლის ბაბუა ისმენს და ყველაფერი იცის იმის შესახებ თუ როგორ იქცევიან ბავშვები მთელ მსოფლიოში. ყოველ საშობაო ღამეს ამ ადგილიდან  სანტა კლაუსი იწყებს თავის მოგზაურობას, რათა მოასწროს მთელი მსოფლიოს ბავშვებისთვის საჩუქრების დარიგება. ამ პატარა დასახლების დასათვალიერებლად ყოველწლიურად 250 ათასი ტურისტი ჩადის. სანტა კლაუსის თანამედროვე ისტორია კი იმით დაიწყო, რომ 1927 წელს ჟურნალისტმა მარკუს რაუტიომ, ერთ-ერთ საბავშვო რადიო - გადაცემაში მსმენელებს მოუთხრო, რომ ნამდვილი თოვლის ბაბუა, სანტა კლაუსი, Joulupukki ლაპლანდიის ამ საოცარ ადგილას ცხოვრობს. გაეროს გადაწყვეტილებით 1984 წლიდან ლაპლანდია ოფიციალურად გამოცხადდა ”თოვლის ბაბუის მიწად”. შემდგომ, 1985 წელს Joulupukki, სანტა კლაუსი, თავისი მრავალრიცხოვანი თანაშემწეებით პოლარულ წრეზე, ფინეთის უკიდურესად ჩრდილოეთ და ყველაზე საოცარ ნაწილში,  ქალაქ როვანიემის მახლობლად დასახლდა და ოფიციალურად დაბინავდა. შობა-ახალ წელს ამ ქალაქში სანტა კლაუსის სახელზე იგზავნება უამრავი წერილი დედა მიწის ყველა კუთხიდან  და ის არ ტოვებს მათ უპასუხოთ.