ალბათ ყველასთვის უკვე ცნობილია, რომ თოვლის ბაბუა, სანტა კლაუსი ფინეთის ჩრდილოეთ ნაწილში, ლაპლანდიაში ცხოვრობს. საახალწლოდ მის სახელზე მსოფლიოს  150 ქვეყნიდან იგზავნება 700 ათასზე მეტი წერილი და არც ერთი წერილი არ რჩება მისი ყურადღების მიღმა.

წერილების გაცნობასა და მათზე პასუხების გაცემაში მას ზოლიან გეტრებში გამოწყობილი ზღაპრული გნომები და ელფები ეხმარებიან, რომელთაც თავზე საოცრად მხიარული ჩაჩები ახურავთ. საახალწლო წერილით თქვენც შეგიძლიათ მიმართოთ სანტა კლაუსს. წერილი მშობლიურ ენაზეც შეიძლება დაიწეროს და, თუ მისწერთ, მიიღებთ იმავე ენაზე დაწერილ, ლამაზად გაფორმებულ პასუხს. ცნობილია, რომ დედამიწაზე მცხოვრები ნებისმიერი ბავშვისა თუ ზრდასრული ადამიანის წერილი აუცილებლად მიაღწევს სანტა კლაუსამდე თუ გაიგზავნება მისამართზე:

SANTA CLAUS, ARCTIC CIRCLE, 96930, ROVANIEMI, FINLAND.  

წერილის გაგზავნა შეგიძლიათ ელექტრონულ მისამართებზეც: http://www.santaclaus.net/

http://www.emailsanta.com/

http://www.freelettersfromsantaclaus.com/free_printable_letters_from_santa.asp

http://bestsantasletter.com/free-letters-from-santa  

დროულად მისწერეთ და დაელოდეთ კეთილი სურვილებითა და საჩუქრებით დატვირთულ სანტა კლაუსის პასუხს.