კომპიუტერის დანიშნულებაა სხვადასხვა სახის ინფორმაციის სწრაფი და მოხერხებული დამუშავება. ინფორმაციის დამუშავება გულისხმობს მის მიწოდებას კომპიუტერისათვის, მეხსიერებაში შენახვას, გარდაქმნა-ანალიზს და გაცემას მომხმარებლისათვის სასურველი ფორმით. ყოველივე ეს თანამედროვე კომპიუტერებში შერწყმულია ისეთ თვისებებთან, როგორიცაა მცირე გაბარიტები, ეკონომიურობა, ურთიერთობის სიმარტივე და მოხერხებულობა. კომპიუტერით ინფორმაციის დამუშავების ამოცანათა გადაწყვეტას კომპიუტერულ ან ინფორმაციულ ტექნოლოგიას უწოდებენ. ინფორმაციის დამუშავების კომპიუტერულმა ტექნოლოგიებმა მტკიცედ დაიმკვიდრა ადგილი ადამიანის მოღვაწეობის ყველა სფეროში: მეცნიერებასა და ტექნიკაში, ეკონომიკაში, მართვაში, სწავლებაში, საზოგადოებრივ ურთიერთობებსა და ყოფა-ცხოვრებაში.

პირველი კომპიუტერი შეიქმნა 1946 წელს აშშ-ში. მათი თავდაპირველი დანიშნულება იყო დიდი მოცულობის გაანგარიშებათა სწრაფად და ზუსტად შესრულება. ეს გარემოება აისახა კიდეც დასახელებაში. სიტყვა Computer ინგლისურად გამომთვლელს ნიშნავს. პირველ კომპიუტერებს დიდი გაბარიტები ჰქონდათ, შესაძლებლობები კი შემოიფარგლებოდა მხოლოდ რიცხვითი ინფორმაციის დამუშავებით. შემდგომში ელექტრონული ტექნიკის განვითარებასთან ერთად იზრდებოდა მათი შესაძლებლობები და მცირდებოდა ზომები. გაჩნდნენ ჯერ მინი, ხოლო შემდეგ 80-იანი წლების დასაწყისში მიკრო-კომპიუტერები, რომელთაც საფუძველი დაუდეს თანამედროვე პერსონალურ კომპიუტერებს. აპარატურულ სრულყოფასთან და ფუნქციურ შესაძლებლობებთან ერთად ვითარდებოდა და მარტივდებოდა კომპიუტერთან დიალოგის საშუალებები, რაც აფართოვებდა მომხმარებელთა წრეს.

ამჟამად კომპიუტერი სხვადასხვა სახის (რიცხვითი, ტექსტური, გრაფიკული, ვიზუალური, ბგერითი) ინფორმაციის დამუშავების უნივერსალური ინსტრუმენტია.

ფუნქციური დანიშნულების, მწარმოებლურობისა და კონსტრუქციული შესრულების მიხედვით შეიძლება გამოვყოთ თანამედროვე კომპიუტერების შემდეგი ძირითადი კლასები: პერსონალური კომპიუტერები, სერვერები, ჯიბის კომპიუტერები და სპეციალიზებული კომპიუტერები.

 პერსონალური კომპიუტერები – კომპიუტერული პარკის ძირითადი ნაწილია. ამ კლასის კომპიუტერებს აქვს საშუალო მწარმოებლურობა და ფართოდ გამოიყენება ოფისებსა და ყოფა-ცხოვრებაში. კონსტრუქციული  (Desktop)  (ნახ.1.1.)  შესრულების თვალსაზრისით, განასხვავებენ სამაგიდო  

   და გადასატან (NoteBook)    პერსონალურ კომპიუტერებს.

   სერვერები – მაღალი მწარ-მოებლურობისა და საიმედოობის მქონე კომპიუტერებია, რომლებიც ძირითადად კომპიუტერულ ქსე-ლებში (მაგალითად ინტერნეტის კვანძებში) მმართველი კომპიუ-ტერების სახით გამოიყენება  .

   ჯიბის კომპიუტერები –წარმოადგენს მინიატურულ კომპიუ-ტერებს მათთვის დამახასიათებელი ყველა ატრიბუტით  .

   სპეციალიზებული კომპიუტერები-გამოიყენება კონკრეტული დარგის ამოცანების გადასაწყვეტად. ამ კლასის კომპიუტერები ძირითადად გამოიყენება ობიექტებისა და პროცესების სამართავად, რობოტებში და სხვ.  

კომპიუტერთა უმრავლესობა უნივერსალური დანიშნულებისაა. მათი გამოყენების სფერო განისაზღვრება იმ პროგრამებით, რომლებიც ჩაწერილია მათში.  

გაიარე შემდეგი გაკვეთილი - კომპიუტერის არქიტექტურა. ძირითადი და დამხმარე მოწყობილობები.

აგრეთვე გაეცანით ზაზა გოგიჩაშვილის კომპიუტერული სკოლის წინა და შემდგომ online გაკვეთილებს.