საქართველოს განათლებისა და მეცნიერების სამინისტროს ეროვნული სასწავლო გეგმებისა და შეფასების ცენტრი ცნობით 2011-2012 სასწავლო წლიდან ზოგადსაგანმანათლებლო სკოლების მხოლოდ I-VI კლასებში იწყება ახალი ეროვნული სასწავლო გეგმის (2011-2016 წწ) დანერგვა . 2011-2012 სასწავლო წელს I-VI კლასებში ახალი ეროვნული სასწავლო გეგმის ამოქმედებასთან ერთად, მოსწავლეები  უზრუნველყოფილნი იქნებიან ახალი, ხარისხიანი სახელმძღვანელოებით.

ცვლილებები, რომლებიც შესულია საათობრივ ბადეში, შეეხება მხოლოდ დაწყებით საფეხურს (I-VI კლასებს), ხოლო დანარჩენ (საბაზო, საშუალო) საფეხურებზე (შესაბამისად, VII-IX და X-XII კლასებში) სწავლება გაგრძელდება 2010-2011 სასწავლო წლის საათობრივი ბადის მიხედვით.

შენიშვნა:  გამონაკლისს წარმოადგენს ახალი არჩევითი საგანი "მსოფლიო კულტურა", რომელმაც გაიარა პილოტირება. ამ ახალი არჩევითი საგნის დანერგვა დაიწყება 2011-2012 სასწავლო წლიდან  სწავლების საშუალო საფეხურზე.

საქართველოს მასშტაბით, 30 სატრენინგო ცენტრში ივნისი-ივლისი-აგვიტოს თვეების განმავლობაში 8 000-ზე მეტი დაწყებითი საფეხურის პედაგოგი და 500 სკოლის დირექტორი გადამზადდება შემდეგი მიმართულებებით:

•           ხუთი წლის ასაკის ბავშვის სწავლა-სწავლების თავისებურებანი;

•           ჩვენი საქართველო;

•           ინფორმაციული და საკომუნიკაციო ტექნოლოგიები;

•           ზოგადსაგანმანათლებლო სკოლის მოვლა-პატრონობა- ეროვნული სასწავლო გეგმის ადმინისტრაციული ნაწილი;

•           ქართული ენა და ლიტერატურა;

•           მათემატიკა;

•           ინგლისური ენა;

•           ბუნებისმეტყველება;

•           მუსიკა;

•           სახვითი და გამოყენებითი ხელოვნება;

•           სპორტი;

•           ინკლუზიური განათლება.

ცენტრის, მოწვეული ექსპერტებისა და ფსიქოლოგების მიერ შეიქმნა ეროვნულ სასწავლო გეგმაზე დაფუძნებული საგნობრივი გზამკვლევები, მასწავლებელთა ტრენინგ-მოდულები, მზადდება ეროვნული სასწავლო გეგმის დანერგვის სხვა ხელშემწყობი მასალები.

2011-2012 სასწავლო წელს I-VI კლასებში ახალი ეროვნული სასწავლო გეგმის ამოქმედებასთან ერთად, მოსწავლეები  უზრუნველყოფილნი იქნებიან ახალი, ხარისხიანი სახელმძღვანელოებით: ქართული ენა და ლიტერატურა, მათემატიკა, ბუნებისმეტყველება, სახვითი და გამოყენებითი ხელოვნება, ჩვენი საქართველო (V-VI კლასი) , მუსიკა, სამოქალაქო თავდაცვა და უსაფრთხოება (IV კლასი), ინფორმაციული და საკომუნიკაციო ტექნოლოგიები (V-VI კლასი), რუსული, ინგლისური ენა.

ყველა სახელმძღვანელო/სერია შეფასდა „სახელმძღვანელოს შეფასების კრიტერიუმებითა" და „სახელმძღვანელოს მაკეტის ტექნიკური პარამეტრებით". ახალი სასკოლო სახელმძღვანელოების გრიფირების პროცესი დასრულდა. სასწავლო დაწესებულებებმა უნდა გაითვალისწინოთ, რომ ასარჩევი ექნებათ საგანში მთლიანი სერია (I-VI კლასები) და არა სახელმძღვანელო ცალკეული კლასისათვის.  

 წყარო: ეროვნული სასწავლო გეგმებისა და შეფასების ცენტრი