2018 წლის 24 – 28 თებერვალს საქართველოში ტარდება კულინარული ფესტივალი „ქართული სამზარეულო - ზამთარი 2018“. ფესტივალის პირობების გასაცნობად გთავაზობთ გადახვიდეთ ფეისბუკის გვერდზე:  https://www.facebook.com/GeorgianCuisineFest/.

თუ გიყვართ ქართული სამზარეულო და  გსურთ საქართველოს სხვადასხვა კუთხის უგემრიელესი კერძების დაგემოვნება? ხართ „ქართული გემოს“ ერთგული და მისი შენარჩუნების მომხრე? თუ ქართული კულინარია გაინტერესებთ როგორც პირადად თქვენი ან თქვენი ოჯახის ბიზნესი?   ფესტივალის პირობების გასაცნობად გთავაზობთ გადახვიდეთ ფეისბუკის გვერდზე:  https://www.facebook.com/GeorgianCuisineFest/  .

ამ სახისა და ფორმატის ქართული სამზარეულოს ფესტივალი ჩვენს ქვეყანაში ტარდება პირველად.    წლის განმავლობაში ის   ჩატარდება ოთხჯერ: ზამთარში, გაზაფხულზე, ზაფხულში და შემოდგომაზე.  მისიორგანიზატორია  საერთაშორისო  ასოციაცია  "ქართული  სამზარეულო", ხოლო მომზადებასა და ჩატარებაში დახმარებას  გაუწევენ პრაქტიკოსი რესტორატორები,  ქართული    კულინარიის    პროფესიონალი სპეციალისტები, ერთგული ენთუზიასტები და  PR  ვოლონტიორები.

ფესტივალში წარმოდგენილი იქნება ქართული რეგიონალური სამზარეულოების ყველაზე   პოპულარული მიმართულება: აჭარიდან - კახეთამდე; სვანეთიდან - ქვემო ქართლამდე, ღირსეულად წარმოჩენილი იქნება მეგრული და იმერული სამზარეულოები.

 ფესტივალი არაკომერციული ხასიათისაა და მიზნად ისახავს:  

-                  საქართველოს სხვადასხვა მხარისა და კუთხის სამზარეულოს უნიკალური კერძების  პოპულარიზაციას ქვეყანაში და მის ფარგლებს გარეთ;

-                  საქართველოში გასტრონომიული შიდა და გარე ტურიზმის განვითარების ხელშეწყობას;

-                  მზარეულების პროფესიული ცოდნის, უნარ-ჩვევების ამაღლებისა და შემოქმედებითი პოტენციალის რეალიზების ხელშეწყობას;

-                  ფესტივალში მონაწილე კვების ობიექტების პოპულარიზაციასა და სარეკლამო მხარდაჭერას;

-                  ახალგაზრდობისათვის მზარეულის პროფესიის არჩევაში დახმარებას.  

ფესტივალის ორგანიზატორები ამზადებენ ხუთდღიან კულინარიულ მარათონს. მის ფარგლებში რესტორნები სტუმრებს შეთავაზებენ  25 ლარიან უნიკალურ სადეგუსტაციო სეტ-მენიუს, გარდა ამისა ჩატარდება შეფ-მზრეულების მასტერ-კლასები და მრგვალი მაგიდები.

 ქართული სამზარეულო   დღეისათვის ცნობილია მრავალ ქვეყანაში და   საყოველთაოდ აღიარებულია, როგორც ერის უნიკალური მემკვიდრეობა, რომელიც წარმოიქმნა და მოგვყვება ჩვენ უძველესი დროიდან. საუკუნეების განმავლობაში, ის დამოუკიდებლად  ყალიბდებოდა ქვეყნის სხვადასხვა კუთხეში, ხოლო ამჟამად მსოფლიოში ცნობილია ერთიანი ბრენდის - „Georgian  Cuisine“ - ს  სახით. იმავდოულად უკანასკნელ წლებში ევროპიდან - აზიამდე, ამერიკიდან - ავსტრალიამდე იზრდება ქართული რესტორნების ქსელიც. ამის გამო ძალზე მნიშვნელოვანი გახდა ქვეყანაში თუ მის ფარგლებს გარეთ მივაღწიოთ იმას, რომ    ქართული სამზარეულოს კონცეფცია ყველგან ეფუძნებოდეს ტრადიციულ, ეროვნულ გემოს. ფესტივალის ფარგლებში პროფესიონალი სპეციალისტების დახმარებით ვეცდებით, რომ წარმოების უახლესი ტექნოლოგიებისა და კერძების მიწოდების ადგილობრივი კოლორიტის შერწმით მოვახდინოთ ამის დემონსტრირება.

ალბათ დამეთანხმებით, რომ ძალიან ხშირად ადამიანები უკვე ცნობილშიც ეძებენ ახალს, ჯერ კიდევ უცნობსა და საინტერესოს და როგორც გვარწმუნებენ ფესტივალის მონაწილეები თითოეული სადეგუსტაციო სეტ - მენიუ იქნება უნიკალური, რომელსაც მზარეულები სპეციალურად შეადგენენ თავისი სამზარეულოს წარმოსაჩენად.

 „წლების განმავლობაში საქართველოში ტურისტული ტრაფიკის ტენდენციებში გამოიკვეთა ფრიად მნიშვნელოვანი და საყურადღებო ასპექტი: უნიკალური ისტორიული, არქიტექტორული ძეგლებისა და მიმზიდველი ბუნებრივი ლადშაფტების სილამაზის გარდა ჩამოსულ სტუმრებს კოლორიტითა და გემოთი განსაკუთრებით ხიბლავენ და იზიდავენ ქართული  კერძები  და ღვინო. ამიტომ    ინფორმაცია მონაწილე რესტორნებზე და მათ სადეგუსტაციო კერძებზე გაეგზავნება სხვა და სხვა ტუროპერატორებსა და კომპანიებს, როგორც საქართველოში, ასევე საზღვრებს გარეთ. ანუ ტურისტულ ბაზარზე შეღწევის მსურველებს ფესტივალი თავაზობს ქართული გემოს  ახალ, თანამედროვე  ხედვას,  რესტორნების ბრენდების არასტანდარტულ, კრეატიულ, ეფექტურ და დასამახსოვრებელ მრავალფეროვნებას. რესტორნებიც უკეთ მოემზადებიან აქტიური ტურისტული სეზონისათვის და ჩამოსული  სტუმრებიც ხელმისაწვდომ ფასში დააგემოვნებენ ქართული სამზარეულოს საუკეთესო კერძებს.

ჩვენ მზად ვართ ყველასთან თანამშრომლობისათვის და ბედნიერები ვიქნებით, თუ ფესტივალი შექმნის პოზიტიურ განწყობას, ერთიანობის ატმოსფეროს, რომელსაც, გამონაკლისის გარეშე, საკმაო ხანია ელიან ყველანი: რესტორატორებიც, მზარეულებიც და სტუმრებიც და გიწვევთ კულინარიულ  ფესტივალზე  „ქართული სამზარეულო - ზამთარი 2018“.  ქართული სამზარეულოს ფესტივალი - ჩვენი ერთობლივი დღესასწაულია! ეს ის სივრცეა, სადაც შევძლებთ დავისვენოთ, დავიმუხტოთ კარგი განწყობით და მივირთვათ კრეატიულად მომზადებული უგემრიელესი ქართული გემოს კერძები.