დამშვიდდით, ბავშვთა მესამედი რთულად გადის მის გარემოში ადაპტაციას. ასეთი ტიპის ბავშვებს ეძახიან ინტროვერტებს, რადგან   ისინი   ძირითად ღირებულებებს ხედავენ მხოლოდ საკუთარ შინაგან სამყაროში და ამიტომ უჭირთ საზოგადოებაში ინტეგრირება, რის შედეგადაც არა საზოგადოება უგულველყობს ბავშვს, არამედ თვით ბავშვი - საზოგადოებას. იმის შიშით, რომ მას არ მიიღებენ, ბავშვი არ ცდილობს მიიღოს საზოგადოების ღირებულებები, ხოლო ბავშვთა კოლექტივი შეიძლება არ ღებულობდეს მას უბრალო მიზეზის გამო - მან არ იცის ”თამაშის წესები”. ხშირ შემთხვევაში ამის შედეგად   შესაძლოა წარმოიქმნას პრობლემები. ცნობილია, რომ ბავშვი - მკაცრი არსებაა და რომ ბავშვთა კოლექტივის დაუწერელი კანონები ასევე საკმაოდ მკაცრია:   შეიძლება არ მიგიღონ თამაშში, თუ არ იცი კოლექტივის მიერ დადგენილი თამაშის წესები, ან გაგაჩნია არა სტანდარტული გარეგნობა, ვერ მეტყველებ ამ ჯგუფში მიღებულ პირობით ენაზე, არ იცნობ გამომუშავებულ სტერეოტიპებს. ფსიქოლოგები ხშირად განმარტავენ ამას ბავშვის სოციალური გამოცდილების ნაკლებობითა და მისი სოციალურ როლებში, რომლებიც სუფევენ გარკვეულ ჯგუფში, გაურკვევლობით.
როგორ უნდა მოიქცეთ ამ შემთხვევაში? ჩვენი რჩევა მშობლებს:
    - ადრეული ბავშვობიდან ხელი შეუწყვეთ თქვენი შვილის არა ცალკეულ ბავშვებთან, არამედ თანატოლების ჯგუფთან, კოლექტივთან ურთიერთობის დაწყებას.
    - ითამაშეთ შვილთან ისეთი თამაშები, რომლებიც მოითხოვენ მისგან საკუთარ თავზე რაიმე სოციალური როლის აღებას.
    - გაერკვიეთ, თუ რა თამაშებით ერთობიან მისი თანატოლები და გააცანით თქვენ შვილს ამ თამაშების მათ მიერ დადგენილი წესები.
    - თავს ნუ მოახვევთ ბავშვს იმ მოსაზრებას, რომ მისთვის აუცილებელია ჰყავდეს ბევრი მეგობარი. ბავშვი თვითონ განსაზღვრავს მათ ოდენობას. მისთვის მნიშვნელოვანია არა მეგობართა რიცხოვნობა, არამედ ის, რომ გრძნობდეს თავს კომფორტულად. უმეტესწილად ბავშვის განცდებს წარმოქმნის არა მეგობართა რაოდენობრივი სიმცირე, არამედ ის ფაქტი, რომ იგი არ ჩართეს თამაშში. კოლექტივში შერწყმის უნართან ერთად მშობელი უნდა ცდილობდეს განუვითაროს თავის შვილს თვითკმარისობის შეგრძნებაც და გააგებინოს, რომ ყველა თამაში   არ არის ჯგუფური. ეცადეთ, რომ გარესამყაროს გარდა ბავშვის შინაგანი სამყაროც გახდეს მისთვის საინტერესო და მნიშვნელოვანი.